Үнэгүй

Барилга МН

 
Дагах

БНСУ-д явахаар бүртгүүлсэн иргэдийн арван мянга нь хохирох нь ээ

Barilga Barilga
2019-11-05
БНСУ-д явахаар бүртгүүлсэн иргэдийн арван мянга нь хохирох нь ээ
Үзсэн: 988
БНСУ-д очиж хар ажил хийх, бүр боолын хөдөлмөр эрхлэх нь манай монголчуудын хүсдэг зүйлийн нэг нь болжээ. Хүсэхэд хясал гэгчээр тус улсаас Монгол Улсад суугаа Элчин сайд уг үйлдлийг өөрийхөө бизнес болгон хувиргав.Үүнд ганцхан жишээ хангалттай. Тухайлбал өнгөрсөн өдрүүдэд Төв цэнгэлдэх хүрээлэнд явагдсан бүртгэл. Үүнийг олон хүн өнөөдөр бүртгэл гэхээсээ илүү доромжлол гэж үзэж байна.Солонгосчуудад монголчуудыг доромжлох боломжийг НХХЯ олголоо. Энэ бол төр гэсэн үг. БНСУ-н элчин сайд тус улсад ажиллах хүч гаргах бүртгэлийг гардаад хийх байгууллага байхгүй гэж хэллээ.Түүнд ингэж хэлэх үндэслэл бий. У нь уг үйл ажиллагааг гардан явуулдаг нь “Зуучлагч товчоо” байлаа. Түүнтэй зэрэгцүүлэн Гадаадад ажиллуулах хүч илгээх нь аж ахуйн нэгжийг ТӨХ-ны дарга Д.Сугар дур мэдэн байгуулсан. Уг төрийн өмчит компанийг байгуулсан ТӨХ-ны 88-р тогтоолыг нийслэлийн захиргааны хэргийн шүүх түдгэлзүүлчихээд байгаа.Түүнээс гадна дээр шинээр байгуулагдсан  компанийг БНСУ-н Хөдөлмөрийн яам хүлээн зөвшөөрөөгүй.Энэ тухай НХХЯ-ны дэд сайд С.Чинзориг “Өнөөдөр” сонины өчигдөрийн дугаарт хүлээн зөвшөөрсөн байна.Аргагүй дээрхи төрийн өмчит байгууллага байгуулагдсан гэдэг нь Монгол Улс, БНСУ хоёрт үйл ажиллагаа ь хүлээн зөвшөөрөгдөөгүй учир БНСУ-н Элчин сайд дээрхи үгийг хэлсэн биз.

НХХЯ гадаадад ажиллах хүч гаргах асуудлыг өөх ч биш,булчирхай ч биш болгосон учир Элчин сайдын яам нь бүртгэл хүртэл явуулж байна.тэд 15 мянган хүнийг 450 мянган ам.доллараар бүртгэлээ.Бүртгүүлсэн эдгээр хүмүүсээс 4500 нь явна гэж НХХЯ-ны дэд сайд С.Чинзориг хэлжээ. Үүнийг  С.Чинзориг сэтгэлийн үг гэж үзэх учиргүй. Тэр бол төрд өндөр албан тушаал хашиж байгаа төрийн хүн.Энэ хүн алдаж хэлнэ гэж байхгүй. Тэгэхээр бүртгүүлсэн 15000 хүнээс 10 гаруй мянга нь явж чадахгүй 300 мянга орчим ам.доллараараа хохироод хоцроно.Энэ бол НХХЯ, ТӨХ-ны үйл ажиллагааны алдаанаас иргэдэд учрах хохирол. Дээрхи 2 төрийн байгууллага  “Зуучлагч товчоо”-г өөрчлөн зохион байгуулах ЗГ-ын тогтоолыг хэрэгжүүлэхдээ гуйвуулж төрийн өмчийн 100 хувийн компани байгуулсан нь  бүртгүүлсэн иргэдийг хохиролд хүргэх нь. Уулын бугыг хараад унасан бухаа орхив гэдгийн үлгэрээр БНСУ-д гаргах хүч гаргах шинэ байгууллагыг хуулиас гадуур байгуулсан нь монголчууд энэрэх төргүй болсон байгааг харуулж байна.Гэхдээ “Зуучлагч товчоо”-ны үйл ажиллагаа хэвийн байгаа юм билээ.Цэцэглэж байсан үе шигээ хүмүүсийг 1000 мянгаар нь явуулж чадахгүй байгаа нь үнэн.Хэдийгээр төр *Зуучлагч товчоо*-той ноцолдож буй мэт боловч иргэдээ хохироосоор байгаа.Нэг бүртгүүлэгчид 30 ам.доллар бага санагдаж болно. Харин түүнийг цуглуулсан шуналтай хэдэн солонгост бол том мөнгө.