Засгийн газрын тогтоол барилгын компаниудыг дампууруулах нь ээ
Barilga
2019-11-05
Засгийн газрын 4000 төрийн албан хаагчид болон иргэдийг орон сууцаар хангах арга хэмжээний тухай 321-р тогтоол барилгын компаниудыг дампууруулах нь ээ. Энэ тогтоол гарсанаар орон сууц худалдан авах гэж байсан хүмүүс авахаа больчихлоо. Нийгэмд орон сууцны үнэ улам хямдарна гэсэн хүлээлтийг улам гаарууллаа.
Барилгачдын эрх ашгийг хамгаалах ТББ-ууд таг дуугай л байх юм. ЗТБХБЯ, Барилгын Ассоциаци харин үүнийг дэмжиж үзэсгэлэн зохион байгуулах гэж байгаа нь хэний эрх ашгийг хамгаалаад байгааг ойлгоход бэрх боллоо. Хэн орон сууцаа 1м2-ийг 650.000 төгрөгөөр зарах гэж тэр үзэсгэлэнд нь орох юм бэ? Мэдээж хэн ч орохгүй.
Хэрэв энэ тогтоол гараагүй байсан бол бид бэлэн болсон орон сууцаа боломжийн үнээр борлуулаад байх боломжтой байлаа. Ядаж 1м2 орон сууцны үнийг 900.000 төгрөгөөс хямд байхаар тогтсон бол боломжийн үнэ байлаа.
Төрөөс газар болон дэд бүтцийг үнэгүй шийдэж, хүү багатай урт хугацаатай зээлээр хангаж өгвөл 1 м2-ийг 650.000 төгрөгт багтааж, чанартай орон сууц барих боломжтой. Харин үнэтэй газар дээр, дэд бүтцээ өөрсдөө шийдсэн бид яаж ч бодсон тийм хямд үнээр орон сууц барих ямар ч боломжгүй. Барьсан ч чанаргүй барилга байх нь тодорхой.
Барилгачдаа дуу хоолойгоо нэгтгэж Засгийн газарт өргөх бичиг барих нь зүйтэй болов уу.
Та нар саналаа илгээгээрэй, бичээрэй.
byrkh@yahoo.com
хэрэглэгчийн ирүүлсэн мэдээлэл