Дайнд оролцож, эх орноо хамгаалсан ахмад дайчдад Зас­гийн газраас нэг удаагийн буцалтгүй тусламж болгон байр олгох шийдвэр гарсан. Одоогийн байдлаар 66 ахмадад байрны батламж гардуулаад байна. Зарим ахмад дайчин өөрсдийн хүсэлтээр байрны мөнгөн дүнтэй тэнцэх төлбөрийг бэлнээр аваад байгаа.

 

Улсын хэмжээнд 1500 ахмад дайчин байдгаас энэ онд багтаан 600 ахмад дайчинд байр олгохоор төлөвлөөд байгаа юм байна. Энэ талаар Нийгмийн хамгаалал, хөдөлмөрийн яам­ны Бодлогын хэрэгжилтийг зохицуулах газрын орлогч дарга Ш.Отгонхундагаас тодруулахад тэрбээр,

-Байрны батламжаа авсан ахмад дайчдын байр бэлэн болсон. Өнөө маргаашгүй түл­хүү­рийг нь гардуулах гэж байна. Тэдэнд байр олгох эрхийг “Дако”, “МВС”, “Орчлон констракшн” тендерээр авсан.

 

Уг нь хүн бүрт нэг өрөө байр олгох ёстой ч зарим компани эх орон, ард түмнийхээ төлөө амь хайргүй зүтгэсэн эр зоригийг нь үнэлээд хоёр өрөө байр өгч байгаа. Дараагийн ээлжинд байр олгох тендерийг зарласан гэв