Нийслэлийн Мэргэжлийн хяналтын газрын шалгалтаар 14 орон сууцны ашиглалтын хугацаа дууссан гэсэн дүгнэлт гаргажээ.
Баянзүрх дүүргийн, 15 дугаар хорооллын 60, 61 дүгээр байр, Хан-Уул дүүргийн гуравдугаар хорооны 25, 26, АШ-27 дугаар байр, Налайх дүүргийн хоёрдугаар хорооны 24-30 дугаар байр болон Сүхбаатар дүүргийн Багатойруугийн 22 дугаар байр, Баянгол дүүргийн дөрөвдүгээр хорооллын 27 дугаар байрын ашиглалтын хугацаа дуусч, амьдрахад аюултай болсон барилгын жагсаалтад орсон байна. Дээрх орон сууцууд нь 1935-1963 оны хооронд ашиглалтад орсон аж. Эдгээр байруудад 281 өрх амьдардаг байна. Ашиглалтын хугацаа нь дууссан байруудыг нурааж оронд шинэ орон сууц барихад хууль эрх зүйн орчин бүрдээгүй байгаа хэмээн Монголын сууц өмчлөгчдийн холбооны дээд зөвлөлийнхөн ярьж байв. Тэд дээрх асуудлаар Засгийн газарт хандсан байна.
Улаанбаатар Таймс
СЭТГЭГДЭЛ БИЧИХ
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.