Далай ламаас аврал эрэх үү, далайн чанадаас тусламж гуйх үу

Barilga
2019-11-05

Далай ламаас аврал эрэх үү, далайн чанадаас тусламж гуйх үу

Нийслэлийн Хан-Уул дүүргийн Сууц өмчлөгчдийн эрх ашгийг хамгаалах "Эв эе өргөө" түр хорооны тэргүүн Пүрэвдоржийн Доржсүрэнтэй ярилцлаа.

-Та манай уншигчдад өөрийгөө товч танилцуулна уу?

-Би 1967 онд МУИС төгссөн. Иргэний үйлдвэрийн барилгын инженер хүн. Сургуулиа төгсөөд МАХН-ын Төв хорооны их барилгын хэлтэст ажиллах хуваарь авсан боловч, өөрөө татгалзаж Төв аймгийн барилга угсралтын контороос ажлын гараагаа эхэлж байлаа. Мөн оныхоо наймдугаар сард Барилгын яамны сайд О.Тлейханы тушаалаар ХАА-н барилга трестэд инженер, улмаар ХААЯ-д мэргэжилтэн, ахлах мэргэжилтнээр 30 шахам жил ажилласан даа. Одоо ХУД-ийн "Уянга" сууц өмчлөгчдийн холбооны гүйцэтгэх захирлаар ажиллаж байна.

-"Эв эе өргөө" түр хорооныхоо талаар ярина уу?

-Манай дүүргийн хоёр, гуравдугаар хорооны дэвсгэр нутагт 1934-1960 онд баригдсан Нэхмэлийн "шар"-ууд, арьс ширний, эрчим хүчний ажилчдын байр гэгдэх нийтийн орон сууцны байшингууд маань хэт хуучирч оршин суугчид нь ая тухтай, эрүүл, аюулгүй амьдрах боломжгүй болоод байгаа юм. Наад зах нь дотроо хэрэглээний халуун усгүй, шалан дороос нь бохир үнэртдэг, хана таазанд нь цав гарч, шавардлага нь аяндаа үйрч унадаг, модон шувуу нуруу, хучилт нь өмхөрч дээвэр нь нимгэрч цоороод бетон хаяавчнууд нь эвдэрч доош сууснаас суурийг нь хөрсний ус идэж барилгын бөх бат чанар, гаднах өнгө үзэмж бүрэн алдагджээ. Үнэхээр хэн ч харсан сүр сүлдгүй болчихсон байгаа биз дээ. Хүнээр бол сүнс нь явчихсан гэсэн үг. Тэр сүнсийг нь дуудуулаад ч одоо эргэж ирэхээсээ өнгөрсөн. Өөрөөр хэлбэл, эдгээр барилгуудыг орчин үеийн өнгө төрх, оруулсан засч бэхлэнэ гэвэл буулгаж шинээр барихаасаа илүү зардал чирэгдэл гарна гэсэн үг. Гэхдээ ганц нэгээр нь биш нэгэн зэрэг бүгдийгнь иж бүрнээр нь шинэчлэх хэрэгтэй байгаа юм. Зөвхөн манай 2,3-р хороонд гэхэд буулгаж шинээр барих 27 байшин байна. Энэ санаа надад арав гаруй жилийн өмнөөстөрсөн юм.

Эндхийн оршин суугчид болоод хороо, Хан-Уул дүүргийн Засаг дарга, Иргэдийн Төлөөлөгчдийн хурал, Мэргэжлийн хяналтын болон хот төлөвлөлтийн олон байгууллага, хүмүүстэй уулзан ярилцаж, санал солилцон зөвлөгөө авсан юм. Бүгдээрээ л дэмжиж, зөвшөөрч урам хайрлаж байгаа.

2009 оны гуравдугаар сард оршин суугчдын хурал хийж "Эв эе өргөө" түр хороо (ТББ) байгуулаад ажиллаж байна. Түр хорооны үндсэн зорилт бол эхний ээлжинд дээр дурьдсан 27 байшинг буулгаж орчин үеийн шинэ хороолол болгож, цаашдаа цагаан хаалганаас 120 мянгат хүртэлх "Чингисийн өргөн чөлөө"-нд нийслэлийн үлгэр жишээ, орон сууц, НАА-н үйлчилгээний цоо шинэ цогцолбор байгуулах явдал юм.

-Шинэ бичил хороолол "Чингисийн өргөн чөлөө" цогцолбор та бүхний оюун ухааны талбар дээр нэгэнт сүндэрлэн босчихоод байгаа юм байна. Харин түүнийг тоймлон цөөн үгээр цаасан дээр буулгавал?

-Дээр дурьдсан 27 байранд анх 594 айл, 2100 орчим хүн амьдрахаар төлөвлөгдсөн боловч одоо 780 гаруй өрх, 4000 шахам хүн амьдарч байна. Бидний шинэчилсэн төлөвлөлтийн төслөөр 13.1 мянган хүн ам буюу 2784 айл өрх оршин суух 121.2 мянган м.кв талбай бүхий орон сууцны 9-16 давхар 60 барилга, 96.5 мянган м.кв талбай сургууль, цэцэрлэг, соөл үйлчилгээний 20 гаруй барилга байгууламжийг инженерийн ( цахилгаан, холбоо, дулаан, усан хангамж, бохир зайлуулах систем г.м) иж бүрэн шугам сүлжээний хамт шинээр барьж байгуулах юм.

-Энэхүү бичил хороолол буюу "Бяцхан диваажин"-г буй болгоход мэдээж доктор Л.Түдэв гуайн хэлдэгээр "Маршал мөнгө" гол үүрэг гүйцэтгэх байх даа?

-Тиймээ, хөрөнгө, хүч, цаг хугацааны хүчин зүйл бүхнийг шийднэ. Зөвхөн өнөөх "27"-г буулгаж зөөхөд 1026.1 сая төгрөг орно. Шинэ орон сууцны барилгуудыг гурван ээлжээр ойролцоогоор 148.5 тэрбум төгрөгөөр босгоно гэсэн тооцоо гарч байгаа. Энэ төслийгБНГУ, БНСУ, Хятадын хэд хэдэн компани сонирхон судалж байна. Мөн манай орны барилгын толгой компаниуд тооцоо судалгаа хийж байна. Монголд хөрөнгө, хүчтэй, туршлагатай инженер, техникч, ажилчидтай компани олон бий шүү дээ. Уг нь далайн чанадаас тусламж гуйж, далай ламаас аврал эрж суулгүй өөрсдөө л барьж байгуулж бүтээн босгомоор байгаа юмдаа.

-Уул өндөр тусмаа сүүдэр нь их гэдэг дээ. Энэ томоохон үйл хэргийн эцсийн үр өгөөж цаглашгүй нь эргэлзээгүй. Харин явц дунд нь гарах эерэг, cөpөг үр дагавар юу байж болохыгта болгоосон болов уу?

-Мэдээж янз бүрийн асуудал гарах л байх. Миний бодлоор бол энэ төслийн хэрэгжилт томоохон бүтээн байгуулалтын тоонд орно. Дүүргээр тогтохгүй Нийслэл, цаашлаад Монгол Улсын орои сууцны шинэчлэлийн бодлого, түүний хэрэгжилтийн эхлэл болох юм. Сүүдэртэй талаас нь юм уу, аар cap жижиг сажиг юмыг би авч үзэх сонирхолгүй байна. Харин дагалдах сайн үр дагавар маш их бий. Тухайлбал, зарим үйлчилгээний зориулалтаар ашиглагдаж байгаа барилга байгууламж. сургууль цэцэрлэгийн барилгуудыг өргөтгөн хүчин чадлыг нэмэгдүүлснэээр 800-гаад ажлын байр шинээр бий болно. Мөн шинээр барих орон сууцнуудын нэгдүгээр давхрын 296 мянган м.кв талбайд нийтийн хоол, худалдаа. банк, зочид буудал, ломбард, кафе. үсчин, гоо сайхан гээд өдий төдий үйлчилгээнй газар (ажлын байр) бий болно. За тэгээд одоо хуучин байранд оршин сууж буй 800 шахам айл орон сууцны нөхцөлөө сайжруулж, дээр нь 2000-аад өрх шинэ байртай болно Хотын өнгө үзэмж, үйлчилгээний соёл. хүн амын эрүүл мэнд дээшилнэ гээд алийг тоочиж барах вэ дээ.

-Одоо галт тэрэг нэгэнт хөдөлчихсөн үү. Эсвэл та нөхдийн тархи толгойд л "түчигнэж" байна уу?

-Галт тэрэг хэдий нь хөдөлчихсөн Хороо дүүрэг болоод оршин суугчид маань талархан дэмжиж байна. ХУД-ийн 19 дүгээр хороололын хэтийн төлөвлөлтийн хэсэгчилсэн төлөвлөгөөнд "Чингисийн өргөн чөлөө" бичил хороолол төсөл хамт хийгдээд одоо Нийслэлийн иргэдийн төлөөлөгчдийн хурлаар батлагдах шатандаа явж байна. Одоо бид эхний ээлжийн барилга байгууламжийнхаа эскиз зургийг гаргаж байна. Хойтон жилээс барилгын ажил эхэлчих байх. Хойтон жилийн наадам хол байна даа гэлцдэг. Надад бол хойтон гэдэг хол биш гэж бодогдож байна. Ёстой л "Хорвоо дэлхий уужим, хийх ажил их байна" даа.

-Баярлалаа. Амжилт хүсье.

Зууны мэдээ