Барилга МН

АН-ын бүлгийн ээлжит хурал­даанаар хэлэлцсэн асуудлуудын талаар АН-ын бүлгийн дарга Ч.Сай­ханбилэг сэтгүүлчдэд мэдээлэл хийлээ. Бүлгийн хуралдаанаар Зас­гийн газар үнэт цаас гаргахыг зөвшөөрөх тухай УИХ-ын тогтоолын төслийг хэлэлцжээ. Тогтоолын төслийн дагуу Засгийн газар 250 тэрбум төгрөгийн үнэт цаас гаргах зөвшөөрөл хүссэн тогтоолын төс­лийг санаачлан гаргасан билээ. Бүл­гийн гишүүд энэ асуудлаас үүдэн 80 тэрбум төгрөгийн орон сууцны бонд гаргах эсэхийг анхааралтай ярилцжээ.

 

Зогсонги байдалд ороод байгаа орон сууцны асуудлыг га­цаанаас гаргах тал дээр гишүүд байр сууриа илэрхийлж, санал бодлоо хуваалцсан байна. Бүлгийн гишүүд, төрийн албан хаагчид төдийгүй Монгол Улсын иргэн бүр орон сууцны хөнгөлөлттөй зээлд хамрагдах нь зүйтэй гэдэгт санал нэгджээ. Мөн бүлгийн хуралдаанаар УИХ-ын гишүүн Л.Гантөмөрийг бүлгийн ахлагчийн орлогчоор томилохыг 100 хувь дэмжсэн байна. АН-ын бүлгийн дарга Ч.Сайханбилэгээс зарим асуудлыг тодруулсан юм.

 

 

-Одоо орж ирээд байгаа 250 тэрбум төгрөгийн хувьд 80 тэрбум төгрөгийг орон сууцны зориулал­таар ашиглах юм. Ер нь барьж, бэлэн болсон 4000 айлын орон сууцыг санхүүжүүлэх эх үүсвэрийн шийдэл нь 80 тэрбум төгрөг болно гэж бодож байна.

 

 

-Гадаад улс орнуудад урт хуга­цааны хөнгөлөлттэй зээлийн нөхц­лөөр шийддэг. Засгийн газраас орж ирсэн санал бол нэлээд урт хугацааных буюу 10-15 жил юм. Төрийн албан хаагч зээлд хам­рагд­вал дээр дурдсан хугацаанд тогтвор суурьшилтай ажиллах учиртай. Хэрэв энэ хугацаанд үүрэгт ажлаасаа гарсан тохиолдолд өөрийн хүсэлтээр өмчлөх эрхтэй байх зэрэг олон зохицуулалтыг талаар ярьж байгаа юм билээ. Гэхдээ үнэт цаасны зөвшөөрлийг өгсөн тохиолдолд Засгийн газарт нарийн журмын тухай ярих болно.

 

 

-Төрийн албан хаагч хөтөлбөрт хамрагдсан тохиолдолд орон сууц­ны санхүүжилтийн корпорациар дам­жуулж зээлд хамрагдана. Харин иргэд арилжааны банкаар дам­жуулан хөтөлбөрт хамрагдах нь зүйтэй гэж бүлгийн гишүүд үзсэн. 4000 айлын орон сууцыг моргажийн хэлбэрээр иргэдэд олгох саналыг АН-ын гишүүд дэмжиж байна.