Лидер клуб нээлтээ хийлээ
Barilga
2019-11-05
Ширээний теннисний Лидер клуб 13-р хороололд нээлтээ хийж, үйл ажиллагаагаа эхэллээ. Нээлтийн үйл ажиллагаанд Монголын теннисний холбооны төлөөлөгчид, JCI Leader-ийн гишүүд, ширээний теннис сонирхогчид, тамирчид хүрэлцэн ирж оролцлоо.
Лидер клуб нь Герман улсад үйлдвэрлэсэн JOOLA фирмийн ширээ тоног төхөөрөмжтэй, 200 м2 саруулхан танхимтай үйл ажиллагаагаа эхэлж байна.
Насанд хүрэгчид болон хүүхдүүд тоглох, хичээлэх бүрэн боломжтой чөлөөт цагаа зөв боловсон өнгөөрөхөд таатай нөхцөлийг бүрдүүлсэн олон түмэнд нээлттэй клуб юм.
Лидер клуб нь мэргэжлийн багш дасгалжуулагчтай бөгөөд Монгол улсын 2 удаагийн аварга Г.Жаргалсайхан багш өглөө, өдрийн секцэнд өсвөр үеийнхнийг дасгалжуулж мэргэжлийн тамирчид бэлтгэнэ.
Мөн хамт олны захиалгаар болон ганцаарчилсан хичээл заах, тэмцээн зохиох, тоглоход бүрэн боломжтой.
Иргэд, залуучуудын чөлөөт цагаа өнгөрөөх, эрүүл мэндэд тустай спорт клуб нэгээр нэмэгдлээ.