Нийслэлийн удирдлагууд ОССК-ийн ажлын явцтай танилцлаа
Barilga
2019-11-05
ОССК-ийн гүйцэтгэх захирал Ж.Алдаржавхлан “40 000 орон сууц” хөтөлбөрийн хүрээнд ОССК-аас Нийслэл хотод хийгдэж байгаа төсөл хөтөлбөрүүдийн ажлыг Нийслэлийн засаг даргын нэгдүгээр орлогч Б.Баатарзориг болон албаны хүмүүст танилцууллаа.
Энэхүү ажлын хүрээнд одоогийн байдлаар ОССК нийслэлд Засгын газрын бондын хөрөнгөөр Буянт-Ухаа төсөл, 7-р хороолол төсөл, Иргэдийн зээл, 4000 орон сууц төсөл хөтөлбөрүүдийг хэрэгжүүлж байна.
Үүнээс Засгийн бондын хөрөнгөөр нийслэлд баригдаж байгаа анхны барилга болох Хан-Уул дүүргийн Нисэхэд баригдаж байгаа Буянт –Ухаа төслийн 245 айлын орон сууцны барилгын явцтай газар дээр нь очиж танилцлаа.
Нийслэлийн Засаг даргын нэгдүгээр орлогч Б.Баатарзориг эдгээр орон сууцны чанарт онцгой анхаарал тавихыг гүйцэтгэгч байгууллагуудад анхааруулж, хугацаандаа ашиглалтанд оруулахыг санууллаа.
Түүнчлэн төрийн албан хаагч, иргэдийг орон сууцжуулах төслийн хүрээнд ОССК-аас зохион байгуулж байгаа иргэд төрийн албан хаагчид болон орон сууцаа худалдаалах барилгын компаниудыг холбосон үзэсгэлэнгийн бэлтгэл ажилтай танилцасан юм. Нийслэлийн удирдлагууд ОССК-аас хийгдэж төсөл хөтөлбөрүүд амжилттай сайн явагдаж байна гэж үнэлллээ.
ОССК-ийн гүйцэтгэх захирал Ж.Алдаржавхлан Нийслэлийн удирдлагууд манай байгууллага дээр ирж бидний ажил байдалтай танилцсанд талархал илэрхийллээ.
ОССК-ийн гүйцэтгэх захирал Ж.Алдаржавхлан Нийслэлийн засаг даргын нэгдүгээр орлогч Б.Баатарзориг болон албаны хүмүүст танилцууллаа.
Хан-Уул дүүргийн Нисэхэд баригдаж байгаа Буянт –Ухаа төслийн 245 айлын орон сууцны барилгын явцтай газар дээр нь очиж танилцлаа.
Нисэхэд баригдаж байгаа Буянт –Ухаа төслийн 63 айлын орон сууцны барилга
БУА гүйцэтгэгч байгууллага: “Эрэлт импекс” ХХК Ажлын явц: 80%
Нисэхэд баригдаж байгаа Буянт –Ухаа төслийн 63 айлын орон сууцны барилга
БУА гүйцэтгэгч байгууллага: “Хасуу мандал” ХХК Ажлын явц: 80%