Шинэ орон сууцны Онлайн Экспо болно
Barilga
2019-11-05
“ОРОН СУУЦ 4000” онлайн экспог 2009 оны 12 сарын 10-ноос 2010 оны 1 сарын 10-ны хооронд зохион байгуулахаар боллоо. 4000 төрийн албан хаагч болон иргэдийг орон сууцаар хангах ЗГ-ийн тогтоолд хамрагдах иргэд шинэ орон сууцны мэдээллийг www.BARILGA.mn сайтын “ОРОН СУУЦ 4000” онлайн экспогоос үзэж сонголтоо хийх бүрэн боломжтой.
“ОРОН СУУЦ 4000” онлайн экспогийн давуу тал:
- Шинэ орон сууцны байрлал, барилгын явц, ашиглалтанд орох хугацаа, өрөөний зохион байгуулалт, хэмжээ, дизайны зураг болон видео зэрэг дэлгэрэнгүй мэдээллүүдийг үзэх,
- Танилцуулга хэвлэх, үзэсгэлэнгийн павильон засах, менежерүүдийн цалин зэрэг зардлууд гарахгүй,
- Хэзээ ч, хаанаас ч, хэн ч хүссэн үедээ үнэ төлбөргүй үзэх,
- H1N1 вирусын халдвараас 100% хамгаалагдана.
H1N1 вирусын онц ноцтой халдварт өвчин тархсан үед олон нийтийг хамарсан үйл ажиллагаа явуулахад хүндрэлтэй болсон үед интернетээр “ОРОН СУУЦ 4000” онлайн экспо нь халдвар тарах, авахаас найдвартай хамгаалагдсан арга хэмжээ болно.
Энэхүү экспо нь хөгжингүй орнуудад интернетээр дамжуулан онлайн үзэсгэлэнг зохион байгуулж байгаа туршлагыг Монголд нэвтрүүлж, олон улсын стандартын түвшинд зохион байгуулж байгаагаараа ихээхэн давуу талтай.
Иймд барилгын захиалагч, гүйцэтгэгч компаниудыг шинэ орон сууцаа олон нийтэд сурталчилан худалдан авагчаа олж, борлуулалтаа нэмэгдүүлэх боломжтой “ОРОН СУУЦ 4000” онлайн экспогийн үйл ажиллагаанд оролцохыг урьж байна.