Барилга, хот байгуулалтын салбарын ууган төрийн бус байгууллага Монголын Архитекторуудын эвлэл/МАЭ/-ийн Ерөнхийлөгчөөр Нийслэлийн Засаг даргын, барилга хот байгуулалтын асуудал эрхэлсэн зөвлөх Э.Хүрэлбаатар сонгогдлоо.

Энэ сарын 12-нд хуралдсан тус эвлэлийн ээлжит 13 дугаар их хурлаар зохион байгуулалтын асуудал хэлэлцэн, удирдлагаа өөрчилжээ. МАЭ-ийн их хурлаар 2007-2009 оны ажлын тайланг хэлэлцсэн бөгөөд санал шүүмжлэл өрнөсөн ажил хэрэгч хурал болжээ. Хурлын үеэр архитекторуудаас ирсэн эскиз, гар зургуудаар “Зураас бүхэн үнэтэй” үзэсгэлэн гаргасан байна.