Барилгын чанар нь зураг төслөөсөө эхэлдэг
Barilga
Танд энэ өдрийн мэнд хүргэе. Та өөрийгөө бидэнд танилцуулаач
Та бүхэнд ч гэсэн энэ өдрийн мэнд хүргэе. Намайг Батболдын Анар гэдэг. Би нийслэлийн 31-р дунд сургуулийг төгсөөд ОХУ-ын Екатеринбург хотын Уралын политехникийн их сургуулийн усан хангамжийн инженер мэргэжлээр суралцаж төгссөн. Одоо эхнэр 2 хүүхэдийн хамт амьдардаг. Миний эхнэрийг Цэцгээ гэдэг. Үсчин мэргэжилтэй. Одоо ч энэ мэргэжлээрээ ажиллаж байгаа. Хоёр хүүхэд маань 2-лаа 10-н жилийн сурагчид.
“Хаус” констракшн компани хэдэн онд байгуулагдсан бэ? Одоо ямар ямар үйл ажиллагаа явуулж байна вэ?
Манай компани 2002 онд анх барилгын зураг төслийн чиглэлээр байгуулагдсан. Ингээд 2004 оноос үйл ажиллагаагаа өргөжүүлэн барилга угсралтын сарбарыг нэмж оруулсан юм. Одоо “Хаус” констракшн компанид барилгын зураг төсөл дээр 8-н инженер, угсралт дээр инженер техникийн ажилчидтайгаа нилээд 45-н хүн ажиллаж байна.
Манайх захиалагч компани гэрээ хийсний үндсэн дээр барилга угслатын ажлыг нь хийж өгдөг. Байгуулагдсан цагаасаа хойш УБ хотын Хан-Уул дүүрийн 1-р хорооны нутаг дэвсгэрт баригдаж байгаа “Green hous” орон сууцны цогцолбор хотхоныг дагнан барьж байна.
Энэ их ажлын зав зайгаар хүмүүсийн захиалгаар дотор заслын ажлыг гүйцэтгэж байгаа.
Компаниа удирдахаасаа өмнө нь ямар нэгэн ажил хийж байсан уу?
1995 онд сургуулиа төгсөж ирээд барилгын зураг төслийн “Манар” компанид инженерээр орж байсан. 2000 онд “Хаус” констрагшн компаний ерөнхий инженерээр ажиллаж байгаад 2003 оноос захиралын албан тушаал хаших болсон.
Нийслэл хотод маань жил ирэх тусам барилга байгууламжууд нэмэгдсээр байна. Тэгвэл яг өнөөдөр Монголын барилгын салбарт хэр чанартай барилга баригдаж байна гэж та бодож байна вэ?
Миний бодлоор чанартай барилга баригдаж чадаж байгаа. Энэ зөвхөн надад биш та бүхэнд ч гэсэн харагдаж байгаа байхаа.
Хамгийн эхлээд зураг төслийг нормын дагуу зөв гаргаж өгөх ёстой. Дараа нь гүйцэтгэгч компаниуд чанартай барилгын материалаар барих гээдд барилгын дамжлага болгон чанартай хийгдсэний үр дүнд сайн барилга баригдах болно. Үүн дээр захиалагч гүйцэтгэгч компани аль аль нь анхаарах хэрэгтэй.
Барилгын салбарт хүчин зүтгэж байгаа хүний хувьд “40000 орон сууц” хөтөлбөрийн талаар ямар бодолтой явдаг вэ?
Ер нь бага дунд орлоготой айл өрх болоод төрийн албан хаагч нарыг хамруулах зорилготой энэхүү хөтөлбөр нь манай оронд хэрэгжиж эхлээд байгаа. Сүүлийн үед барилгын материалууд их өсч байна. Үүнтэй холбоотой барилгын өртөг нэмэгдэх болно. Ингэвэл нөгөө хүмүүс маань энэ төсөлд хамрагдаж чадах уу үгүй юу гэдгийг маш сайн бодолцох ёстой.
“Хаус” констрагшн компани цаашдаа компаниа өргөжүүлэх тал дээр ямар арга хэмжээ авах вэ?
Манай компани барилгын зураг төслөө өргөжүүлэхээр бэлтгэж байгаа. Өнөө үед интернэт асар хурдацтай хөгжиж байна. Тиймээс манай зураг төслийн инженерүүд зөвхөн Монголынхоо биш интернэтээр дамжуулан гадаадын зураг төслийг энэ шугамаар хийж гүйцэтгэхээр төлөвлөж байна.
Төлөвлөж байгаа ажлаа хэдий хугацаанд хийхээр бодож байна вэ?
Ойрын хоёр жилдээ багтааж хийхээр төлөвлөөд явж байна.
Би өөрийнхөө сурсан туршлагаасаа дүгнээд хэлхэд: та нэг сургуулийг төгсөөд том инженер болчихож байгаа юм биш. Их сургуульд бүгдийг нь мэдэж авдаггүй. Зөвхөн цаашид юу сурах хэрэгтэй гэдгээ тодорхойлж ойлгож авдаг юм. Аяндаа прагтик дээр гарч ирээд суралцахаараа жинхэнэ инженерын дайнд хүрдэг юм.
Өнөөдөр барилгын салбарт ийм л зүйлийг хийвэл болох гээд байна гэж бодож явдаг таны бодол
Ер нь аливаа бизнес хурд, чанар, мөнгө гэсэн 3-н зүйл дээр тогтдог. Энэ 3 бүрэлдэж байж ахицтай ажиллах боломжтой. Барилгын салбарт ч ялгаагүй. Тэгтэл манай барилгын ажилчдад хөдөлмөрийн зохион байгуулалт их дутаж байна. Ийм учраас барилгын комданиуд Хятад ажилчдыг авч ажиллуулдаг. Хятадууд Монголчуудыг бодоход хөдөлмөрийн хуваарилалт сайтай. Хийх ёстой зүйлээ яс хийдэг. Монголчууд ажилдаа Хятад хүмүүс шиг хандааасай гэж бодож байна.
Ингэхэд “Хаус” констракшн компани маань ямар ямар барилгуудын зураг төслийг гаргаж байсан бэ?
Манай компани “Green housе”–ын иж бүрэн зураг төслийг гаргасан. Мөн эрүүл мэндийн яамны азийн хөгжлийн банкны төслөөр Дорнодын нэгдсэн эмнэлгийн засвар, Ай-ти паркын шинэчлэлт, УБ оношилгооны төв, Багануур хотод Дамко ХХК-ийн захиалгаар баригдах хотхоны зураг төсөл гээд олон барилгын зураг төслийг гаргаж байсан.
Таны хувьд хамгийн дурсгалтай зураг төслийг нь гаргасан барилагын талаараа бидэнд яриач
Миний хувьд олон сайхан дурсамжууд байдаг. Тэр дундаа бие даан хийсэн анхны объект болох Монголын урчуудын эвлэлийн захиргааны барилга юм. Энэ барилгын зураг төслийг хийж байсан болохоороо одоо эргээд харахад сайхан байдаг.
Мэдээж би барилгын салбарын хүн. Тийм болохоороо хийж бүтээж, босгож байгаа зүйлээрээ их бахархадаг. Энэ бол миний хамгийн том бахархал юм
Мөр зэрэгцэн барилгын салбарт ажиллаж байгаа хүмүүсдээ хандаж хэлхэд арвин туршлага мэдлэгээрээ чанартай олон сайхан барилгыг барьж босгоороо гэж хэлмээр байна.
Ярилцлага өгсөн танд их баярлалаа. Монголынхоо төдийгүй дэлхийн барилгын салбарт их хувь нэмэр оруулаарай гэж сэтгүүлч миний зүгээс хүсэн ерөөе.