Ховд аймгийн Засаг даргын Тамгын газрын   Хөгжлийн бодлогын хэлтсийн дарга Ч.Сүрэнжавтай ярилцав.

 

 

-Дөргөний УЦС-ыг 2009 оны 11 дүгээр сард улсын комисс хүлээн авч ашиглалтад орууллаа. Уг станцыг БНХАУ-ын Шанхайн гадаад эдийн засаг, технологийн хамтын ажиллагааны корпораци түлхүүр гардуулах нөхцөлөөр барьж ашиглалтад оруулсан ба орчин үеийн техник тоног төхөөрөмжөөр тоноглогдсон бүрэн автомат удирдлагатай Монголдоо анхны томоохон УЦС юм. Нэг жилийн хугацаанд туршилт тохируулгын ажил хийж техник технологийн хувьд боломжтой гэж үзэн сайн дүнтэй хүлээж авлаа. Уг станц маань одоогоор хэвийн ажиллаж байна. Ер нь цаашид тогтмол ажиллаж жилдээ 38 сая кВт/цаг цахилгаан эрчим хүч үйлдвэрлэх боломжтой. ОХУ-аас импортолж буй цахилгаан эрчим хүчний эх үүсвэртэй зэрэгцээ холболтоор ажиллаж байна. Үүний үр дүнд “ББЭХС” ХК хоёр талын эрчим хүчний эх үүсвэртэй болж алслагдсан бүс нутгийн эрчим хүчний хангамжийн аюулгүй байдлыг баталгаажуулах боломж бүрдэж байна.

 

 

-Боловсон хүчний тухайд тэднийг сургаж дадлагажуулах ажлыг үе шаттайгаар зохион байгуулж байна. Орчин үеийн бүрэн автомат станц тул нарийн мэргэжлийн инженер техникийн ажилтнууд шаардлагатай байгаа. Цаашид ч гадаадын улсуудад ялангуяа УЦС өндөр хөгжсөн орнуудад мэргэжилтэн бэлтгэх дадлагажуулах ажлыг хийх шаардлагатай байгаа.

 

 

-УЦС өөрөө маш нарийн горимын тохируулгатай, автомат удирдлагатай учраас дамжуулах шугам, дэд станцуудын найдвар-тай байдлыг хангах, шинэчлэх шаардлага зүй ёсоор урган гарч байна. Энэ ч утгаараа өнгөрсөн хугацаанд дэд станцууд дээр тохируулгын хамгаалалт, автома-тикийг засварлах, тохируулга хийх ажлыг хийсэн.

 

Бид харъяаллын асуудлыг баруун бүсийн эрчим хүчний системд байх нь зүйтэй гэдэг дээр санал нэг байгаа. Учир нь эрчим хүч гэдэг маань онцгой салбар. Ямар нэгэн асуудал үүсэхэд цогцоор нь шийдвэрлэх мэргэжлийн баг боловсон хүчинтэй, харилцан биенээ тэтгэж ажиллах боломжтой байх ёстой гэдэг үүднээс баруун бүсийн системд харьяалуулж ажиллуулах нь зүйтэй гэж үзэж байна.

 

 

-Байгаль орчинд нөлөөлөх байдлын ерөнхий болон нарийвчилсан төлөвлөгөөг эрх бүхий байгууллагаар хийлгэн мөрдөн ажиллаж байна. Жил бүр байгаль орчинд нөлөөлж буй нөлөөллийн дүгнэлт судалгаа хийж түүн дээрээ үндэслэн хэрэгжүүлэх арга хэмжээний төлөвлөгөө гарган ажиллах юм.

 

 

-Дөргөний УЦС-ыг 26.5 сая ам долларын хөрөнгө оруулалтаар барьсан. 12 мВт-ын хүчин чадалтай том станц шүү дээ. Энд тус бүр нь 4000 кВт-ын хүчин чадал бүхий 3 ширхэг гидротурбин генератор ажиллаж байна.

 

 

Монцамэ