Татварын өр төлөөснөөс болж эрvvгийн болон захиргааны хэрэгт татагдаад байгаа аж ахуйн нэгж, иргэдийг нэг удаа өршөөх тухай хууль батлан гаргахыг УИХ-ын чуулганы өнөөдрийн нэгдсэн хуралдаанд оролцсон 40 гишvvн 100 хувь дэмжлээ. Энэ хууль батлагдах юм бол 2006 оны 12-р сарын 31-ний байдлаар татварын албаны баталгаажуулсан өрөөс 2008 оны нэгдvгээр сарын нэгний байдлаар барагдаагvй өр, 2007 оны 12-р сарын 31-ний байдлаар төлөгдөөгvй байгаа нийгмийн даатгалын шимтгэлийн өр, хэрэг бvртгэл мөрдөн байцаалтад байгаа болон шvvхийн шатанд шийдэгдэж байгаа өр төлбөрvvдийг өршөөх юм.

Манай улсын санхvvгийн жил 12-р сарын 31-нээр дуусгавар болдог ч эцсийн тайлан баланс дараа оных нь хоёрдугаар сарын дундуур гардаг. Тэгэхээр хамгийн сvvлийн бvрэн төгс тайлан баланс 2006 оных буюу 2007 оны хоёрдугаар сард гарсан тайлан баланс байгаа учир дээрх хугацааг тогтоож байгаа ажээ. Тvvнээс гадна 2007 оны нэгдvгээр сарын нэгнээс татварын шинэ хууль vйлчилж, татварын ачаалал эрс багассан, таатай жил байсан болохоор энэ онд шинээр vvсэн өрийг өршөөлийн хуульд хамааруулах шаардлагагvй гэж хууль санаачлагчид vзэж байгаа юм.

Дээрх хуулийн төсөлтэй холбогдон татвараа төлөөгvй нь хожиж, шударгаар төлж байсан нь хохирох юм биш vv гэсэн асуулт олон гишvvн тавьсан юм. Энэ асуултад хууль санаачлагчийн нэг, УИХ дахь МАХН-ын бvлгийн дарга Ц.Нямдорж, өмчийн хэлбэрийг vл харгалзан шударгаар татвараа төлсөн аж ахуйн нэгж, хvмvvст тодорхой хувийн хөнгөлөлт, чөлөөлөлт vзvvлэх асуудлыг би өмнө нь ярьж байсан ч дэмжигдээгvй өнгөрсөн. Одоо би энэ асуудлыг бvлгийн хурал дээр сөхөж ярина гэсэн юм. Тийм болохоор болохоор татвараа vнэн зөв төлж байсан аж ахуйн нэгж, иргэдэд ч хөнгөлөлт vзvvлэх асуудал яригдаж магадгvй байна. Татварын өршөөлийн хуульд 25 мянга шахам аж ахуйн нэгж, иргэн хамрагдахаар байгаа бөгөөд тэд нийт 29.5 тэрбум төгрөгийн татвар төлөөгvй байгаа аж. Vvнээс 1-3 тэрбум төгрөгийн өртэй нь гурав, 100 саяас нэг тэрбум төгрөгийн өртэй нь 10, нэг саяас 100 сая хvртэлх өртэй нь 500, vлдсэн нь нэг сая хvртэлх төгрөгийн өртэй юм байна. Энэ татварын өрний 67.2 хувь нь хөөн хэлэлцэх хугацаа нь дууссан, аж ахуйн нэгж нь дампуурсан, татан буугдсан зэрэг шалтгаанаар эргэн төлөгдөх найдваргvй болсон өр төлбөр байна.

МОНЦАМЭ