Нийслэлийн Засаг даргын захирамжаар Нийслэлийн нутаг дэвсгэр дэх нийтийн зориулалттай орон сууцны байшингийн газарт үйл ажиллагаа явуулж байгаа сууц өмчлөгчдийн холбоодын ашиглаж буй газарт улсын тооллого, бүртгэл хийх ажлыг Нийслэлийн газрын алба зохион байгуулсан байна.

Энэхүү үзлэг тооллогоор  Нийслэлийн хэмжээнд нийт 258 СӨХ байдгаас 208 сууц өмчлөгчдийн холбоо нь орчны газраа ашиглах хүсэлт гаргасан байна.

Ирүүлсэн өргөдөл хүсэлтийг Нийслэл болон дүүргүүдийн газрын албан хянан үзэж хэмжилт, зураглал хийн кадастрын зурагт оруулан газрын маргаан зөрчилгүй 124 СӨХ-ын орчны газраа ашиглах хүсэлт бүхий материалыг нь тус албаны дэргэдэх “Газрын эрхийг хянан шийдвэрлэх зөвлөл”-ийн хуралд оруулан хэлэлцүүлж, үүнээс 88 СӨХ-ны орчны газар ашиглах эрхийг Нийслэлийн засаг даргын захирамж гарган баталгаажуулсан байна.

Одоогийн байдлаар газар ашиглах эрх  нь баталгаажигдсан 88 СӨХ-оос эхний ээлжинд хэсэгчилсэн ерөнхий төлөвлөгөөгөө хийсэн 13 СӨХ-д газар ашиглах эрхийн гэрээг нь хийж өгөөд байгаа аж.

Д.Нарантуяа

БАРИЛГА.мн