"40 мянган айлын орон сууц" хөтөлбөрийн хvрээнд есөн аймагт 160 айлын орон сууцыг төрийн албан хаагчид болон бага, дунд орлоготой иргэдэд зээлээр олгож эхэллээ. Дундговь, Дорнод, Говь-Алтай, Увс, Дархан-Уул, Хөвсгөл, Архангай, Баян-Өлгий, Завхан аймагт нийт 40 айлын орон сууц ашиглалтад орсон бөгөөд бага, дунд орлоготой иргэдэд "Монгол шуудан", "Голомт" банкаар дамжуулан зээл олгож байгаа аж.

Дээрх арилжааны банкууд иргэдэд анх удаа орон сууц худалдан авч байгаа, өрхийн орлогын 40 хvртэл хувиар сар бvрийн зээл хvvгийн төлбөр хийх чадвартай, орон сууцны vнийн дvнгийн 30-аас доошгvй хувийг төлөх төлбөрийн баталгаатай байх зэрэг шаардлага тавьж байгаа аж. Банкууд 25 сая хvртэлх төгрөгийн зээлийг жилийн 11 хувийн хvvтэйгээр 10-15 жилийн хугацаанд олгох юм байна. Мөн Сэлэнгэ, Өвөрхангай, Ховд, Баян-Өлгий, Завхан аймгийн төвд баригдаж буй 280 айлын орон сууцанд захиалга авч эхэлсэн бөгөөд барилга ирэх намар ашиглалтад орох юм байна. Тухайлбал Өвөрхангай аймагт "Хөх бvрдний эх" компанийн гvйцэтгэж буй 40 айлын орон сууцны ажил 70 хувьтай байгаа бол Ховдод барьж буй барилгын ажлын гvйцэтгэл 40 хувьтай байгаа аж.

МОНЦАМЭ