Нийслэл урьд өмнө хэрэглэж байгаагvй цас цэвэрлэдэг, гэрэлтvvлэг, реклам чимэглэл тавих, засах зориулалтай хот тохижилтын хоёр шинэ машинтай боллоо. Германы Бенз Юнимог-140 маркийн цас цэвэрлэдэг машиныг "Улаанбаатар зам засвар арчлалт" компанид, БНСУ-ын Хьюндай КИА- Рино маркийн тусгай зориулалттай машиныг "Гэрэлтvvлэг-чимэглэл" компанид Улаанбаатар хотын ерөнхий менежер Э.Мөнх-Очир хvлээлгэн өгчөө.

Цасны машин нь цас шvvрдэх, тvрэх, элс давс цацах гээд 20 гаруй төрлийн vйлдэл хийдэг ажээ. Харин гэрэлтvvлэг, чимэглэлийн төхөөрөмжийг солих, засахад зориулсан нөгөө машин нь гэрлийн шон ачих ачааны тавцан, сэлбэг материалаа хийх хайрцагтайгаас гадна 14 метр өндөрт өргөх крантай юм. Нийслэлийн тохижилтод зориулан парк шинэчлэлт хийх зорилгоор өнгөрсөн жил зарласан тендерт ялсан “Дөлгөөн нуур” ХХК эдгээр машиныг оруулж ирсэн байна. Хоёр машин нийт 85 орчим сая төгрөг болж байгаа бөгөөд нийслэлийн төсвөөс хөрөнгийг гаргажээ. Хот тохижилтын чиглэлээр ажилладаг дээрх хоёр компани урьд нь зориулалтын биш ачааны машинаар ажлаа амжуулж байсан юм.

МОНЦАМЭ