Зурвас бичих
Messenger
Залгах- Нүүр
- Мэдээ, мэдээлэл
- Barilga
- 2019-11-06
Монголын хамгийн өндөр барилга нь Дарханы
Манай улсад олон давхар орон сууц цөөхөн байдаг ч гэсэн улсдаа хамгийн өндөрт тооцогддог нь шинэ Дарханы арван зургаан давхар барилга. Мөн явган явж, хамгийн өндөрт гардаг орон сууц нь ч гэсэн энэ барилга. Өндөр барилгыг цахилгаан шатгүйгээр төсөөлөх аргагүй. Тэдгээр барилгуудын цахилгаан шат нь хэд хэдэн хэсэгтэй хийсэн байдаг. Энэ нь ганц цахилгаан шатаар барилгын оройд гарахгүй, замдаа унаагаа солино гэсэн үг юм. Олонх барилга хорь орчим давхрын дунд нэг цахилгаан шат хийсэн байдаг. Цахилгаан шат ашиглалтын заавар гэж тун нарийн. Түүнийг тусгай хүмүүс ажиллуулж, бас мэргэжлийн байгууллага тогтмол хугацаанд шалгаж байх дүрэмтэй. Гэхдээ цахилгаан шат аюулгүйн байдлын талаас нь нэлээд бодолцож хийсэн байдаг. Жишээ нь гэхэд л оосор нь тасраад унах үед ажиллах тусгай тооромсог. Ажиллах зарчим нь автомашины суудлын даруулгатай ойролцоо. Суудлын даруулга зөөлөн татахаар сунаад байх мөртлөө огцом татвал нам гацдаг байна. Мөн хонгилын хаалгыг зөвхөн цахилгаан шат ирсэн үед онгойдог байлгах гээд олон зүйлийг бодож хийсэн байдаг. Гэхдээ эдгээр аюулгүй байдлын тоноглол нь хуучирч эвдрэхийн хэрээр хүнд хамгийн аюултай орчин болж хувирдаг. Хамгийн сүүлд 2000онд бүрэн эхээр нь цахилгаан шатыг янзалсан бөгөөд түүнээс хойш оршин суугчид, харуул хамгаалалтын буруугаас уг лифт тоногдож ажиллахаа больсон байна.