Зурвас бичих
Messenger
Залгах- Нүүр
- Мэдээ, мэдээлэл
- Barilga
- 2019-11-06
Хот байгуулалтын бодлого, дэд бүтцийн хөгжлийн талаар баримтлах бодлогыг цувралаар танилцуулах нь
2007 оны эхний улиралд “Улаанбаатар бүс”-ийн хөгжлийн хөтөлбөрийг хот төлөвлөлтийн зураг төслөөр баяжуулан хэрэгжүүлэх ажлын төлөвлөгөө гарган хэрэгжүүлж эхлэх ёстой. Улаанбаатарын бүс нь өнөөдөр ачааллаа даахгүйд хүрч байгааг хаа хаанаа анхаарахгүй байж хэрхэвч болохгүй. Сүүлийн жилүүдэд Улаанбаатарыг чиглэсэн их нүүдэл, барилга байгууламжууд Туулын сав газар хэрээс хэтэрсэн төвлөрлийг буй болгож, төлөвлөгдөөгүй байсан хүндрэлүүд үүсч, асуудлыг хурцатгаж байна. Хотын захаар ямарч зөвшөөрөлгүйгээр газрыг өөрийн юм шиг өмчилж, түүнийг дагаад барилга байгууламж, гэрэл цахилгаан, худаг ус, сургууль соёл, эмнэлэг үйлчилгээ, харилцаа холбоо, банк санхүү, зам тээвэр гээд бүгдийг цогцоор шийдэх боломжгүй болгож, төсвийн хүндрэлийг зохиомлоор гаргаж ирж байна. Улс төрийн намуудын өгөөш болж, хоосон амлалт бай болгох, төлөвлөөгүй хүндрэлд хүргэж, иргэдийн бэлэнчлэх замыг заасаар байгаа нь буруу юм. Тиймээс ч хөгжлийн хөтөлбөрийг боловсруулахдаа энэ бүгдийг бодолцож хуулийн хүрээнд шийдэх тухайд тусгаж өгөхийг амьдрал шаардсаар байгаа нь нүдэнд харагдсаар байна. Усны нөөц, агаарын бохирдол, хөрсний бохирдол гээд олон асуудалд мэргэжлийн эрдэмтэн судлаачдын санал дүгнэлтийг тусгаж, асуудлыг цогцоор нь шийдэх шаардлага амьдралаас урган гарч байгааг анхаарч төлөвлөх ёстой. Хамгийн гол нь эрх баригчид, шийдвэр гаргагчдад болон нийт ард иргэдэд зөв ойлгуулах ажлыг өргөн хүрээтэй хийхээр төлөвлөх. Улаанбаатар бүсийн хөгжлийн хөтөлбөрийг боловсруулахдаа үүсээд байгаа нөхцөл байдлын араас нь дагах бус үүсэх нөхцөлүүдийг урьдаас харж шинжлэх ухаанч дүгнэлтэд тулгуурлаж, хот төлөвлөлтйн зураг төслийг баяжуулан гаргах нь зөв гарц юм. Сайн төлөвлөж ажлаа эхлэхгүй бол замын дунд зохиомол саад бэрхшээл учир асуудал хүндэрсээр байхыг бодолцох цаг болсон баймаар.