Монгол Улсын Ерөнхийлөгч Н.Энхбаярт Франц Улсаас Монгол Улсад суугаа Онц бөгөөд Бvрэн эрхт Элчин сайд Патрик Крисмант, Арева - Монгол компаний захирал Эрик де Сэз тэргvvтэй төлөөлөгчдийн хамт бараалхлаа. Vндэстэн дамнасан төрийн оролцоот Францын Арева групп нь эрчим хvчний салбарт дэлхийд тэргvvлэгчдийн нэг бөгөөд цөмийн эрчим хvч гарган авах, дамжуулах, хуваарилах шилдэг технологитой ажээ. Монгол-Францын эдийн засгийн хамтын ажиллагаанд Францын Арева групп чухал vvрэг гvйцэтгэнэ хэмээн найдаж байгаагаа уулзалтын эхэнд Элчин сайд П.Крисмант тэмдэглэв.

Эрик де Сэз: "Монгол Улсын Ерөнхийлөгчийн Франц Улсад хийсэн айлчлалын vеэр Арева группын гvйцэтгэх ерөнхий захирал Анн Ловержон бараалхсан билээ. Vvнээс vvдэн vйл ажиллагаа маань Монголд идэвхжин , Арева-Монгол компани байгуулагдлаа. Арева групп Монгол дахь vйл ажиллагааныхаа төсвийг Монгол Улсын Төрийн тэргvvний Франц Улсад хийсэн айлчлалаас хойш гурав дахин нэмэгдvvлж 30 сая ам.доллар болголоо. Уул уурхайн салбарын хууль эрх зvйн орчныг сайжруулахад туслалцаа vзvvлэх чиглэлээр ажиллах болно. Мөн тогтвортой хөгжлийг дэмжихэд энэ жил 105 мянган ам.доллар зарцуулна. Дорноговь аймагт худаг гаргаж, ядуу айл өрхvvдэд гэр бэлэглэлээ. Тус аймгийн хvн ам, хөгжлийн төлөө ажиллах болно. Монгол улсад техникийн туслалцаа vзvvлж, боловсрол, эрvvл мэндийн салбарыг дэмжинэ. Радио идэвхт бодисын лаборатори байгуулахад танай улсад туслахын тулд энэ чиглэлээр эхний ээлжинд хоёр монгол багшийг сургаж байгаа " хэмээн яриад " Францын тал төрийн оролцоотой Монголын компанитай хамтран ажиллахыг хvсч байна " гэлээ. Ерөнхийлөгч Н.Энхбаяр: "Монгол Улсын Ашигт малтмалын хууль ураны асуудлыг нарийн зохицуулж чадаагvй байгаа. Энэ талын хууль, эрх зvйн орчныг зөв бvрдvvлэх чиглэлээр Vйлдвэр худалдааны яам ажиллаж байна. Энэ талаар саналаа тус яаманд өгч болно. Хууль эрх зvйн орчин зөв бvрдсэний дараа тvншлэлийн асуудал яригдана . Ураны салбарт Франц, Япон, ОХУ манай оронтой хамтран ажиллах санал тавьсан" гээд Монгол Улс тэднийг өрсөлдvvлж биш, тvншилж хамтран ажиллах сонирхолтойг тэмдэглэв.

МОНЦАМЭ