Аймаг, нийслэлийн газрын албаны дарга нар 2007 онд хийсэн ажлаа тайлагнаж, цаашид хийх ажлаа тодорхойлж байна. Газрын харилцаа, геодези зураг зvйн газар /ГХГЗЗГ/-аас зохион байгуулж буй семинарт оролцогсод өнгөрсөн оны ажлын тайлан, сумын газар зохион байгуулалт, тухайн жилийн төлөвлөгөө боловсруулсан байдал, vр дvн, зайнаас тандан судлах технологийг ашиглан газрын мониторинг хийх, газрын харилцааны хуулиудын төсөл, vзэл баримтлалын талаар санал солилцож байна. Энд 21 аймаг, нийслэлийн есөн дvvргийн газрын албаны дарга нар цуглажээ.

Тэд дөрвөн өдөр дээрх асуудлыг хэлэлцэх бөгөөд улсын тусгай хэрэгцээний газрын баталгаажилт, орон нутагт газрын бодлого боловсруулах аргачлал, төрийн vйлчилгээ болон хvнд суртлын индекс, vндэсний газрын мэдээллийн сангийн төсөлтэй танилцах юм байна. ГХГЗЗГ-аас энэ оныг хvнд суртлыг багасгаж иргэдэд vйлчилгээгээ ойртуулах жил болгон зарлаж байгаа аж. Энэ хvрээнд "Цахим газар" төсөл боловсруулсан бөгөөд газар зохион байгуулалтын төлөвлөлтийг ил тод болгох, иргэдийн өргөдөл, гомдлыг сvлжээгээр хvлээн авч шуурхай шийдвэрлэхээс гадна газрын vнэлгээний бvсчлэл, газрын нэгдмэл сангийн тайлан, зураглал, лавлахыг цахим хэлбэрт шилжvvлэх юм байна. "Нийслэлийн хэмжээнд газар хувьчлал 80 гаруй, хөдөө орон нутагт 30 орчим хувьтай байна" хэмээн ГХГЗЗГ-ын орлогч дарга Ж. Даваабаатар мэдээллээ.

МОНЦАМЭ