НХХЯ-наас ажлын байрны хөдөлмөрийн аюулгvй ажиллагаа, эрvvл ахуйн аттестатчиллыг энэ оны нэгдvгээр улиралд багтаан улсын хэмжээнд зохион байгуулж дvнг нэгтгэн Засгийн газарт танилцуулахаар боллоо. Монгол улсын нутаг дэвсгэрт ажиллаж байгаа өмчийн бvх хэлбэрийн аж ахуйн нэгж, байгууллагыг vзлэгт хамруулан дvгнэлт өгөх, илэрсэн зөрчил дутагдлын учир шалтгааныг тодруулан арилгуулах, цаашид хууль тогтоомжийг боловсронгуй болгох, ажлын байрны хэвийн нөхцлийг хангуулах зорилгоор уг ажлыг зохион байгуулж байгаа ажээ.

1997 онд ийм улсын vзлэг явуулж байсан бөгөөд 5000 гаруй аж ахуйн нэгж байгууллагын 90 орчим хувь нь хангалтгvй гэсэн vнэлгээ авсан учраас Монгол улсын засгийн газраас vндэсний хөтөлбөр батлан гаргаж 1997-2000, 2001-2004 онд хоёр vе шаттай хэрэгжvvлж, гурав дахь хөтөлбөр нь 2005 онд батлагдсан байна. Аттестатчилал явуулахдаа аймаг, нийслэл, дvvргийн мэргэжлийн хяналтын улсын байцаагч, онцгой байдал, хөдөлмөр, халамж vйлчилгээний асуудал эрхэлсэн ажилтан, ажил олгогч болон холбогдох төрийн бус байгууллагыг оролцуулах юм. Ингэхдээ тухайн байгууллагын ажлын байрны хөдөлмөрийн нөхцөл, аюулгvй ажиллагааны байдлыг газар дээр нь биечлэн шалгаж, зохих шаардлага vзvvлэлтээс 71-ээс дээш хувийг хангасан тохиолдолд аттестатчилагдсан гэж vзэх аж.

МОНЦАМЭ