Барилгын цэргийн ангийг татан буулгаж, өмч хөрөнгийг нь Төрийн өмчийн хороонд мэдэгдэлгvйгээр хууль бусаар, зах зээлийн vнээс хямд худалдсан гэх мэдээлэл өдөр тутмын сонинуудад нийтлэгдсээр байгаа билээ. Vvнтэй холбогдуулан Батлан хамгаалахын сайд М.Сономпил, дэд сайд Б.Эрдэнэбаатар нар болон зарим удирдлага өчигдөр сэтгvvлчдэд мэдээлэл хийлээ. Тэд, барилгын цэргийн ангиудын өмч, хөрөнгийг худалдах асуудал сайдын мэдэлд байхаар 2002 оны тавдугаар сард батлагдсан Батлан хамгаалахын тухай хуульд заасан байдаг учир Төрийн ємчийн хороонд мэдэгдэх шаардлагагvй байсан гэж мэдэгдсэн юм. Тvvнчлэн өмч хөрөнгийн дуудлага худалдааны vнийг сайдын зөвлөлөөр шийдсэн болохоос сайд өөрөө дур мэдэн vнэлчихсэн юм биш гэнэ. Социализмын vед барилгын цэргийн ангиуд бvтээн байгуулалтад жинтэй хувь нэмэр оруулдаг байсан бол 1990-ээд онооос зах зээлийн нийгэмд шилжсэнээр vйл ажиллагаа нь доголдох болсон байна. Иймээс барилгын цэргийн ангиудыг нэгтгэх, татан буулган олон чиглэлийн vйл ажиллагаатай нэг ангийн бvтцэд шилжvvлэх ажил 2002 онд батлагдсан Цэргийн байгууллагыг хөгжvvлэх хөтөлбөрийн хvрээнд хуулийн дагуу хийгдэж, 2002-2006 онд барилгын цэргийн найман ангийг татан буулгажээ.

МОНЦАМЭ