ХБНГУ, Монгол Улсын Засгийн газрын хэлэлцээрийн дагуу Германы эдийн засгийн хамтын ажиллагаа, хөгжлийн яамны санхvvжилтээр Монголд олон төсөл, хөтөлбөр vр дvнтэй хэрэгжvvлж байна.

Германы техникийн хамтын ажиллагааны нийгэмлэг (GTZ) Хотын хөгжил, барилгын салбарыг дэмжих хөтөлбөрийнхөө хvрээнд орон сууцны угсармал барилгыг дулааны vр ашигтай болгон засварлах загвар төсөл хэрэгжvvлж буй талаар манай сонин өмнө нь мэдээлж байсан. Хөтөлбөрийн мэргэжилтнvvд нийслэлийн Засаг даргын Тамгын газар, Барилга, хот байгуулалтын яамтай хамтран 250 сая төгрөгийн өртгөөр Чингэлтэй дvvргийн тавдугаар хорооны наймдугаар байр- 29 айл амьдардаг таван давхар угсармал сууцны гадна талд дулаан тусгаарлагч хийж, цонхыг нь сольж, халаах хэрэгсэлд тохируулах хаалт суурилуулж, дээврийг нь шинэ технологиор засварласан байна. Мөн зоорийн давхрыг бетондож, шугам сvлжээг шинэчилж, гадна талбайг нь ч бvрэн тохижуулжээ.

Угсармал сууцны дулаан тусгаарлалтыг сайжруулснаар ам метр талбайн эрчим хvчний жилийн хэрэгцээ 100 кВт болж бууна гэж тэд тооцжээ. өөрөөр хэлбэл өмнөхөөс 2-4 дахин хэмнэлттэй гэсэн vг. Орон сууцны нэг ам метр талбайд ногдох дулааны жилийн хэрэглээ нь тооцоогоор 265 кВт атал бодит амьдралд энэ vзvvлэлт 350 кВт, зарим тохиолдолд 400 кВт-аас ч илvv гарч байна. Угсармал сууцны ихэнхийнх нь хана, цонх цантан хөлөрч, айлууд хvйт эхлэхээр хаалга vvдээ дулаалж, онгорхой цоорхойгоо бөглөх гэж бөөн ажил ундардаг. Yvнийгээ дэлхийн хамгийн хvйтэн нийслэлд амьдардагтайгаа холбон тайлбарладаг. Гэтэл хэргийн учир дулааны алдагдалд байгааг герман нөхөд дээрх судалгаагаар олж тогтоожээ. Тогтоогоод зогссонгvй яавал энэ байдлаас гарч болох арга замыг эрэлхийлжээ. Энэ загвар сууц нийслэлчvvдэд эрчим хvч хэмнэх техникийн боломж байгааг харуулах бөгөөд vр дvнг олон улсад хvлээн зөвшөөрөгдсөн мэргэжлийн байгууллага хөндлөнгөөс тодорхойлох аж.

Барилга, хот байгуулалтын сайд Ц.Цолмон өчигдөр энэхvv орон сууцны дулаалга, гадна дотно тохижилтын ажилтай танилцсан юм. Нийслэлийн 400 гаруй угсармал сууцыг энэ жишгээр засварлавал жил бvр 1800 орчим вагон нvvрс хэмнэж, нийслэлийн утаа, хорт хийг бууруулж агаарын бохирдлыг багасгаж, жил бvр долоон сая ам.долларын дулаан хэмнэх тооцоо гаргаснаа тэд сайдад уламжилж байлаа. Ц.Цолмон төслийн хэрэгжилттэй танилцсаныхаа дараа “Та бvхний хийж бvтээснийг харахад таатай байна. Дулааны хэмнэлт, мөн их боломж нээгдэж байна гэж дvгнэж байна. Нийслэлийн угсармал сууцыг ингэж дулаалбал шинээр ийм төрлийн олон орон сууц барих боломжийг бий болох юм байна” гэлээ. Засгийн газрын дэмжлэгтэйгээр нийслэлийн хэмжээнд энэ төслийг хэрэгжvvлэхэд анхаарахаа тэрбээр илэрхийлэв. Нийслэлийн маань нэгэн сууцанд Европын жишгээр засвар, дулаалга хийлээ. Yvнээс vлгэр авч бусад сууцаа дулаалах эсэх нь монголчуудын сэтгэл зvтгэлээс хамаарах хэрэг билээ.

Зууны мэдээ