Газрын тосоор баян орон Абу Даби нүүрс төрөгчийн хий өчүүхэн төдий ч ялгаруулдаггүй дэлхийн анхны хотыг байгуулахаар төлөвлөж байна. Нарны эрч зэрэг сэргээгдэх эрчим хүчээр ажиллах энэ хотыг 50 мянган хүн амтай байхаар төлөвлөж, тээврийн бүх хэрэгслийг автоматжуулах юм байна.

Энэ хотыг 2013 онд барьж дуусгахаар төлөвлөж, 6 км ам.дөрвөлжин талбай  бүхий хотын  нийтийн тээврийг транвай зэрэг бүрэн автоматжсан тээврийн хэрэгслээр хангах юм. Мөн хэвтээ хэлбэрийн хөврөх цахилгаан шатыг өргөн хэрэглэх ажээ.

Маздар хэмээн нэрлэгдэх энэ хотын төсөл зурагт барилга байшингууд намхан байх бөгөөд нарны эрчим хүчээр ажиллах цахилгаан хураагууруудыг байшингын дээвэрт байрлуулахаар төлөвлөжээ. Хотын эргэн тойронд далайн давалгааны дуу чимээ болон элсэн цөлөөс ирэх халуун агаараас хамгаалах хэрэм босгох юм байна.           

Абу Даби эмиратын улс нь байгалын хий. Газрын тосны нөөцөөр дэлхийд 4,5 дугаар байранд ордог бөгөөд энэ улсын 150 жилийн хэрэгцээг бүрэн хангах нөөц юм.

Хотыг бүтээн босгоход 15 тэрбум доллар зарцуулна. Үүнээс гадна 350 сая доллараар нарны эрчим хүчээр ажиллах 100 мегаваттын станц барьж, аажимдаа 500 мегаваттад хүргэж, үндэсний эрчим хүчний ачааллыг багасгана.

Орчуулсан Д.Пунцаг