Үндсэн хуулийн цэц 470 саяар ордон бариулна

Barilga
2019-11-06

Үндсэн хуулийн цэц 470 саяар ордон бариулна

Yндсэн хуулийн цэц 470 сая төгрөгийн өртгөөр бvтэх ордонтой болно. Ирэх оны төсвийн төсөлд тус байгууллагад 760 сая төгрөг тусгажээ. Yvний 470 сая төгрөгийг Yндсэн хуулийн ордон барихад зарцуулахаар болсон байна. Бас YХЦ-д нэг тэрбум 60 сая төгрөгийн хөрөнгө оруулалт хийнэ.

Ордон барих 470 сая төгрөг дээр 590 саяыг нэмсэн байна. Ингээд энэ нь нэг тэрбум 60 сая төгрөг болж байгаа юм. 30 саяыг нь тоног төхөөрөмжид зарцуулах гэнэ. Энэ төсвийг Төрийн байгуулалтын байнгын хорооны хуралдааны vеэр гишvvдэд танилцуулав. Энэ мэдээ УИХ-ын гишvvн Ц.Нямдоржийг багагvй бухимдууллаа. “Зургаахан орон тоотой, 10 ажилтантай YХЦ 470 саяын ордон бариулаад байхдаа яадаг юм бэ. Орох оронгvй болчихоод байгаа юм уу. Нэртэйгээр нь Ж.Бямбадоржид ордон барина гэчихээч. Дээд шvvх хvртэл өөрийн байргvй байхад” гэв. Харин YХЦ-ийн тамгын газрын дарга Ж.Чойжанцан “Одоогийн байранд 30 гаруй байгууллагтай хамт байгаа учраас шинэ ордонтой болъё гэсэн юм” гэж хариулав.

ARDCHILAL