“Хот суурин газарт болон барилгын орон зайд хөгжлийн бэрхшээлтэй иргэдэд зориулсан төлөвлөлт, түүнд тавигдах шаардлага” сэдэвтэй семинар зохион байгуулагдаж амжилттай өндөрлөсөн. Семинар нь өглөө 9:00-ээс эхэлсэн бөгөөд ЭМЯ-ны ЭТУГ-ын дарга Л.Жамбалдорж, БХБНААҮТ-ийн дарга Б. Бямбажав, СЗҮТ-ийн захирал Д.Бямбаа нар үг хэлж нээлтийн ажиллагааг эхлүүлсэн.

Семинар нь “Хөгжлийн бэрхшээлтэй хүний эрх” үндэсний чуулганаас гаргасан зөвлөмжийг хэрэгжүүлэх хүрээнд иргэн, олон нийтийн зориулалтай барилга байгууламж доторхи болон гадна гудамж, зам талбайд хөгжилийн бэрхшээлтэй иргэдийн зорчих орон зай, төлөвлөлтийг сайжруулах, зураг төсөл боловсруулах, барьж байгуулахад “Тахир дутуу” иргэдэд зориулсан барилгын төлөвлөлтийн нормаль, БД31-101-04-ийг мөрдөх, цаашид боловсронгуй болгох шаардлагатай асуудлуудын шийдвэрлэх юм байна. Мөн олон улсын болон өөрийн орны туршлагын талаар бодлого боловсруулагч, төлөвлөгч, гүйцэтгэгч, хэрэглэгчидийн хооронд санал солилцсон бөгөөд тэдгээрийн үйл ажиллгааны нэгдлийг хангах, барилгын стандарт боловсруулах бэлтгэлийг хангахад чиглэгдсэн. Бүтэн өдрийн турш санал бодлоо солилцсон уг семинарт БХБЯ, ЭМЯ, НХХЯ, БСШУЯ, УМХГ, БХБНААҮТ, СХЗҮТ, ХТҮГ, СЗҮТ, НЗДТГ, НМХГ, НБХБТГ, НГА, ШУТИС-ын БИАС, ХБИБҮ холбоо, “AIFO”-ийн суурин төлөөлөгчийн газар, “Тэгш дүүрэн хөтөлбөр”, барилгын зураг төслийн болон барилга угсралтын байгууллага аж ахуй нэгжүүд оролцсон юм.

Энэхүү семинарт яригдсан бүх асуудлууд биелэлээ олох л үлдлээ. Байгуулгуудын нэгтгэсэн уг семинар нь хөгжлийн бэрхшээлтэй иргэдийнхээ төлөө хийж байгаа эхний томоохон алхам юм.

Д.Нарантуяа
БАРИЛГА.МН