Нийслэлийн Засаг даргын захирамж, түүнд үндэслэн байгуулсан Нийслэлийн Засаг даргын тамгын газар болон ОССК-ийн хооронд байгуулсан гэрээний дагуу Хан-Уул, Сонгинохайрхан дүүрэгт олгогдсон газарт 45, 63 айлын 9 давхар 8 барилга барихаар зураг төслийн ажлыг дуусгаж, гүйцэтгэгчийн тендер зарлаад байна. Эдгээр орон сууцны барилгууд он дамжиж ашиглалтад орох төлөвтэй байна. Засгийн газрын үйл ажиллагааны хөтөлбөрт тусгагдсан. "40 000 орон сууц" хөтөлбөрийг хэрэпжүүлэх ажлын хүрээнд төрийн албан хаагчид, бага дунд орлоготой иргэдийг орон сууцаар хангах зорилтыг хэрэгжүүлэх Улаанбаатар хотод шинээр орон сууц барих, дуусаагүй барилгуудыг гүйцээн барьж ашиглалтанд оруулах ажлуудыг хийхээр төлөвлөж  байна.”40000 орон сууц” хөтөлбөрт хамрагдах хүсэлтэй төрийн 36 байгууллагааас өөрийн эзэмшлийн газартай 10 байгууллага байна. Эдгээр байгууллага нь эзэмшил газартаа орон сууц бариулахаар газрын зөвшөөрлийг зохих журмын дагуу авсан бөгөөд орон сууцны барилгын инженер хайгуулын судалгаа хийсэн, улсын экспертизийн хяналтаар шалгуулж баталгаажуулсан, холбогдох байгууллагуудаас зөвшөөрөл авсан байна.

Захиалагч болох төрийн байгууллагууд нь барилга угсралтын ажлыг өөрийн хөрөнгөөр эхлүүлж, барилга угсралтын ажлыг хийж гүйцэтгүүлж, санхүүжүүлж байгаа бөгөөд барилга угсралтын ажлын гүйцэтгэл нь 30-56.6%-тай, нийт 3,317,5 сая төгрөгийн барилга угсралтын ажлыг хийж гүйцэтгээд байна.

Барилга угсралтын ажлын нийт төсөвт өртөг нь 10,300,0 сая төгрөг бөгөөд үүнээс Засгийн газрын бондын хөрөнгөөр санхүүжүүлэхэд эхний ээлжинд шаардагдах хөрөнгө 8,037,0 сая төгрөг болж байгаа юм байна.

Барилга угсралтын ажлын тодорхой хувь нь хийгдсэн эдгээр барилгуудыг Засгийн газрын бондын хөрөнгөөр санхүүжүүлэн барьж дуусгаснаар төрийн албан хаагчдын 654 гаруй өрх орон сууцтай болж нийгмийн асуудал шийдвэрлэх боломжтой.

Д.Нарантуяа
БАРИЛГА.мн