Ирэх онд Улаанбаатар  хотын зам засварын  ажилд 40 гаруй тэрбум  төгрөгийн  хөрөнгө оруулалт  хийгдэх  гэнэ. Энэ нь өнгөрсөн оноос нэг дахин их  хөрөнгө оруулалт юм байна.

Дээрх хөрөнгө оруулалтыг Сэлбэ Толгойт  зэрэг чиглэлийн  замыг шинэчлэхэд  түлхүү  хийгдэх гэнэ. Мөн хотын  төвийн явган  зорчигч олноор явдаг найман замд нүхэн болон агаарын гүүрэн гарцыг  барихаар  болжээ. Үүнд” Тэнгис”  кино театрын  урд 84 метр төв шуудангийн урд  90метр урттай “Өдрийн сонин” –ы арын замд  агаарын гүүрэн  гарцыг  барих аж. Мөн “Барс” худалдааны төвийн хойно, арвандолдугаар  сургуулийн зүүн талын замд болон төв цэнгэлдэх хүрээлэнгийн  орчим агаарын  гүүрэн  гарцтай  болгох гэнэ.

Мөн Төмөр замын коллежийн  урд Энхтайвны өргөн чөлөөнд  100 айлын урд талын замд агаарын  гүүрэн гарцыг  барихаар  төлөвлөжээ. Түүнчлэн  МУИС-ын хоёрдугаар байрны урд ШУТИС-ийн баруун талын замд  нүхэн гарц хийгдэх болсон юм. Толгойтын  баруун салаанд  хоёр км,  нийслэлийн найман хороолол  доторх замыг шинэчлэхээр  болжээ. Чингэлтэй  Хайлаастайг ч  холбох  замын ажил  үргэлжлэн хийгдэх аж. Мөн томоохон бүтээн байгуулах ажил нь  баруун дөрвөн замаас урагшаа Хан-уул дүүрэг хүртэл төмөр зам дээгүүр тавигдах гүүрийн барилгын ажлыг тендер зарлаж эхлүүлэхээр төлөвлөжээ. Өнгөрсөн онд  замын санд орж ирсэн гурван  тэрбум  төгрөгөөр  замын засварын  ажил хийгддэг байсан. Энэ онд 19.5 тэрбум төгрөгийн хөрөнгөөр 27зам, 2 гүүрийн барилгын ажил хийгдсэн. Мөн 20гаруй замын засварын  ажилд 207.6 сая төгрөг зарцуулсан гүйцэтгэл нь 90 орчим хувьтай байгаа гэнэ.