УИХ-ын чуулганы өнгөрсөн оны 69, энэ жилийн 26 дугаар тогтоолыг тус тус үндэслэн "40000 орон сууц" хөтөлбөрийн санхүүжилтийн эх үүсвэрийг бүрдүүлэх зорилгоор Засгийн газраас 60 тэрбум төгрөгийн нэрлэсэн үнэтэй бонд гаргасан. Бондыг энэ оны хоёрдугаар улирлаас эхэлж сар бүрийн хоёр, дөрөв дэх долоо хоногт Монголын хөрөнгийн биржээр арилжиж байгаа. Тэгвэл биржээр арилжсан нийт хувьцааны сүүлийн үеийн дүн мэдээ гарчээ.

Өчигдрийн байдлаар нийт гурван удаагийн арилжаа явуулж, 14.4 тэрбум төгрөгийн нэрлэсэн үнэтэй хувьцаа борлуулсан байна. Ингэснээр "40000 орон сууц" хөтөлбөрийн санхүүжилтийн эх үүсвэрт 13.9 тэрбум төгрөг бүрдээд буй юм. Дээрх гурван удаагийн арилжаанд Монголын арилжааны томоохон банкууд оролцсоноос 38.6 хувийг “ХААН”, 33.5 хувийг “Худалдаа хөгжлийн банк”, 15.7 хувийг нь “Голомт” худалдан авсан бол үлдсэн 12.3 хувийг "Анод", "Капитрон" банкууд авсан байна.  

  Худалдан авагч                                  Дүн /Төгрөг/

  Хаан банк                                          5,382,238,550,0

  Худалдаа, хөгжлийн банк               4,668,143,300,0

  Голомт банк                                     2,182,616,350,0

  Анод банк                                         1,610,976,100,0

  Капитрон банк                                 98,746,000,0