Сайхан сэтгэлийн дэмжлэгээр БГД-ийн 11-р хорооны оршин суугчид, ахмад настангууд  шинэхэн өрхийн эмнэлэгтэй боллоо. Тэдэнд буяны гараа сэтгэл харамгүй сунгасан JCI Монгол,  Солонгосын JCI байгууллага, БГД болоод “Хасуу констракшн” компани  нар хамтран ивээн тэтгэсэн байна.

Энэ дүүргийн иргэдэд хамгийн тулгамдаж байсан асуудал нь “Өрхийн эмнэлэг” байжээ. Учир нь тэд дүүргийнхээ өрхийн эмнэлэгийн тусламжыг  авахын тулд 40-н минут явж байж хүрдэг байсан байна. 40-н минут гэдэг их хугацаа. Энэ хугацаанд бие нь муудсан хүн яаж ч болно. Ийм эрсдэлтэй асуудлыг шийдвэрлэж  өгсөнд дүүргийн оршин суугчид чин сэтгээсээ талархаж байгаа дахин дахин илэрхийлж байлаа.

Анх энэ саналыг JCI Монгол нь JCI Солонгост тавьсанаар энэ төсөл нь хэрэгжих боломжтой болсон байна.  Нийтдээ JCI Монгол 5-н сая, JCI Солонгос 20000 доллар, БГД-ээс 5-н сая, Хасуу констракшн 15000 долларын хөрөнгө оруулалт тус тус хийжээ. Олон хүмүүсийн сэтгэл, хөрөнгө зарцуулагдсан энэ өрхийн эмнэлэгийн нэг хүндрэлтэй зүйл нь өндөрлөг газар байрладаг учираас барьхад нилээн хүндрэлтэй зүйлтэй их тулгарсан гэж “Хасуу констракшн” компаний захирал Д.Цэнд гуай яриандаа хэлж байсан юм. Тэрээр “Хасуу констракшн”-ны захирал төдийгүй JCI Монголын лидер гишүүн, бизнесийн хорооны захиралын албан тушаалыг давхар хашдаг байна.

9-р сараас эхэлж баригдсан энэхүү өрхийн эмнэлэг нь 2 сарын хугацаанд нийтдээ 14-н хүн барьж босгосон байна. Ямартай ч БГД-ийн 11-р хорооныхон айж сандарсан үедээ санаа зоволтгүй үзүүлэх “Өрхийн эмнэлэг”-тэй боллоо.

Д.Нарантуяа
БАРИЛГА.МН