Барилга хот байгуулалтын яам болон Германы Техникийн хамтын ажиллагааны нийгэмлэг хамтран хэрэгжүүлж байгаа “Хотын хөгжил барилгын салбар болон мэргэжлийн боловсрол, сургалтыг дэмжих хөтөлбөр”-ийн хүрээнд хийгдсэн томоохон ажлын нэг болох сайжруулсан зуухыг танилцуулах арга хэмжээ болж өнгөрлөө.

            Гэр хорооллын нөхцлийг сайжруулах, агаарын бохирдлыг буруулахад Засгийн газрын мөрийн хөтөлбөр нь дулаан хадгалах өндөр чадвартай, хэрэглэхэд аюулгүй, шаталтын үеийн дулааныг сайн ашигладаг сайжруулсан зуухны хэрэглэгчидэд санал болгож байгаа юм байна.

           Хот, хөдөөгийн ямар ч нөхцөлд хэрэглэхэд тохиромжтой энэхүү сайжруулсан зуухын нэг бүрийн үнэ нь 95 орчим мянган төгрөгт багтаж байгаа гэнэ. Гэр хорооллын айл өрхийн түлшийг хэмнэж, дээр нь эрүүл мэндэд сөрөг нөлөө үзүүлэх нь бага гэдэг үүднээс тус хөтөлбөрийхөн сайжруулсан зуухныхаа үр дүнд ихэд сэтгэл хангалуун байгаа нь харагдаж байлаа.

            Улаанбаатар хотод 134,000 гэр байдаг. Эдгээр айл өрх жилд дунджаар 572,000 тонн нүүрс түлдэг гээд үзэхээр ганц жилийн дотор 12,000 тонн нүүрс хүчлийн хий ялгардаг байна. Агаарын бохирдлын хэмжээ их байгаа энэ үед нүүрс хүчил, хүхэр, азотын хүчил зэргийг ихээр ялгаруулалт гэр хорооллыхны хэрэглэж байгаа зуухаас аль болох татгалзах хэрэгтэйг энэхүү арга хэмжээ харуулсан юм. Сайжруулсан зуухыг танилцуулах үеэр төрөл бүрийн хоол хийж, иргэдэд уг зуухны ач холбогдолыг бодитоор мэдрүүлсэн юм.

Д.Нарантуяа
БАРИЛГА.мн