УБТЗ-ын захиргаа, орон сууцны төв комисс 2008 оноос арилжааны банкны зээлээр төмөр замчдад зориулан 336 орчим айлын орон сууц барихаар шийдвэрлэжээ. Тухайлбал,Улаанбаатар, Дарханд тус бvр 72 айлын, Сайншандад 60-72, Замын-Vvдэд 45-60 айлын сууц барих аж. Төв комисс орон сууцны зээл авах банк сонгохдоо зээлийн хvv бага байх, зээлээ хугацаанаас нь урьдчилж төлөх тохиолдолд шимтгэлгvй байх, зээлийн хvv буурахад адил буурах, харин өсөхөд тогтвортой байх болзол тавьж байгаа гэнэ.

Шинэ орон сууцыг өмнө нь байр авч байгаагvй, байгууллагын орон сууцны комисст өргөдлөө өгсөн төмөр замчдад дарааллын дагуу хvсэлт, төлбөрийн чадварыг нь харгалзан олгох юм байна. Ингэхдээ ямар нэгэн урьдчилгаа төлөхгvйгээр зээл тvvний хvvг шууд төлж эхлэхээр банкуудтай зөвшилцөж байгаа ажээ. 1-2 өрөөтэй байхаар тооцсон эдгээр сууцны банкны зээл баригдаж дуусах хvртэл УБТЗ-ын нэр дээр, дараа нь эзэмшигчийн нэр дээр шилжих юм. Төмөр замын барилга, орон сууцны албаны Зураг төслийн төвийнхэн барилгын зургийг ирэх оны хоёрдугаар сард гаргаж, барилга дөрөв, тавдугаар сараас эхлэх юм байна. Засгийн газраас хэрэгжvvлж буй "40000 айлын орон сууц" хтөлбөрт төмөр зам 300 айлыг хамруулах хvсэлт оруулсан байна.

МОНЦАМЭ