Barilga-2009 Best Awards болж шилдэгүүдээ тодрууллаа
Barilga
2019-11-05
Одод гийж, тэнгэр цэлмэсэн, энэ оны хамгийн богино өдөр, урт шөнө тохиосон үдэш 2009 оны 12 сарын 22-ны өдөр Монголын барилгын салбарын шилдэгүүдийг тодруулах Barilga-2009 Best Awards шинэ жилийн баярын цэнгүүн ПУМА ИМПЕРИАЛ зочид буудалд болж өндөрлөлөө.
Хэдийгээр барилгын салбарт нөхцөл байдал таатай биш байсан ч энэ оны амжилт бүтээлээ дүгнэж, зах зээлийн бартаатай нөхцөлд байр сууриа хадгалан амжилттай ажилласан шилдэг ААН, байгууллага, барилгын мэргэжилтнүүдийг тодрууллаа. Шилдэгүүдээр
Американ дэнж 1, 2 орон сууцны хотхон, MCS Coca Cola-ийн шинэ үйлдвэр, АПУ ХК-ийн Натур Агро спиртийн үйлдвэрлэлийн цогцолбор зэрэг томоохон барилга байгууламжуудын барилга угсралтыг гүйцэтгэсэн Тэдмэнт ХХК - Шилдэг барилгын гүйцэтгэгч байгууллагаар,
Монголд анх удаа прогрессив архитектур загварын орчин үеийн шийдэлтэй орон сууц болох Ажигана ХХК-ийн Палаззо оффис үйлчилгээний цогцолбор - Шилдэг шинэ орон сууцаар,
Иргэд, албан байгууллагууд оффис, орон сууц, уул уурхайн хотхон зэрэг ямар ч зориулалтаар ашиглаж болох зөөврийн орон сууцыг үйлдвэрлэлд нэвтрүүлж, Монголд анх удаа Бүргэд хаалгыг үйлдвэрлэж эхэлсэн Контейнер хаус ХХК -Шилдэг шинэ технологи нэвтрүүлэгч байгууллагаар,
Жилд 45 сая ширхэг тоосго үйлдвэрлэх хүчин чадалтай Эрэл-2 тоосгоны үйлдвэрийг ашиглалтанд оруулж, Монгол улсын барилгын салбарын хөгжилд өөрийн тогтвортой хувь нэмрийг оруулж буй Эрэл ХХК- Шилдэг материалын үйлдвэрлэгч байгууллагаар,
Найдвартай, чанартай гэдгээрээ олонд танигдсан ИЭК брэндийн цахилгаан техникийн бүтээгдэхүүнүүдийг Монголын зах зээлд албан ёсоор импортлон борлуулдаг, Улаанбаатар, Дархан, Эрдэнэт хотуудад өөрийн төлөөлөгчийн газартай, нийслэлд 10 гэрээт борлуулагч бүхий ИЭК МОНГОЛ ХХК- Шилдэг импортлогч байгууллагаар,
Монголын барилга, орон сууцны загвар, шийдлийн хөгжилд өөрийн хувь нэмрийг оруулж, нэр бүхий байгууллага, иргэдийн барилга байгууламжийн архитектур, гүйцэтгэлд өөрийн өвөрмөц санааг шингээн, хэрэглэгчдийн таашаалд нийцсэн үйлчилгээ үзүүлж ажилласан учир Демастер ХХК - Шилдэг интерьер дизайн, зураг төслийн байгууллагаар,
Шилдэг барилгын материал импортлогч, шилдэг маркетинг, брэнд материал, бөөний борлуулалт бүхий, Өнөр хотхон – Номин констракшн ХХК, Шилтгээн хотхон – Газархолдинг ХХК, Ногоон төгөл хотхон – Гангар инвест ХХК, Green tower – Нэмбар ХХК, Орчлон хороолол – Орчлон констракшн ХХК, Залуус хотхон – Эск инженеринг ХХК гэх мэт 50 гаран компаниудад бараа материалаа нийлүүлсэн Номин Стандарт ХХК - Шилдэгийн шилдэг Гран При шагналыг гардлаа.
ХУД 1-р хороо, 96 айлын орон сууцны барилга, СХД 18-р хороо, 154 айлын орон сууцны барилга гэх мэт барилгуудад тус тус талбайн инженерээр ажилласан, Ажилдаа мэргэшиж, хамт олондоо хүндлэгдсэн шилдэг залуу инженерүүдийн нэг Батс өргөө ХХК-ийн талбайн инженер Д.Болормаа - Шилдэг барилгачинаар,
Американ дэнж 1, 2 хотхон, MCS үйлдвэрүүдийн барилга угсралт, өргөтгөлүүд, АПУ ХК-ийн “Натур Агро” цогцолбор зэрэг томоохон барилга байгууламжуудын ерөнхий инженерээр ажиллаж, хариуцсан барилгуудаа хугацаанд нь чанартайгаар хүлээлгэн өгч ажилласан Тэдмэнт ХХК-ийн Ерөнхий инженер Л.Сэр-Од - Шилдэг барилгын инженерээр,
Шүүх эрх зүйн үндэсний төвийн барилга, “Номин” их дэлгүүрийн барилга, UB Town хотхоны орон сууцны барилга, Баянмонгол орон сууцны цогцолбор барилга, Зайсан дахь Бурхан багшийн цогцолбор зэрэг хүндтэй бөгөөд хариуцлагатай томоохон барилга байгууламжуудын зураг төслүүд дээр ур ухаанаа гарган ажиллаж, хөдөлмөрийн их амжилт гаргасан ББСМО ХХК-ийн архитектор М.Магсар -Шилдэг архитектороор
тус тус шалгарлаа.
Шилдэгээр шалгарсан болон цэнгүүний үйл ажиллагаанд оролцсон эрхэм хүндэт барилгачид та бүхэнд шинэ онд хөдөлмөр бүтээл, шинэ санаагаар дүүрэн байж ажлын өндөр амжилт гаргахыг хүсэн ерөөе.
Barilga.mn