Нийслэлийн Засаг дарга бөгөөд Улаанбаатар хотын захирагч Т.Билэгт Катар Улсаас Монгол Улсад суух Онц бөгөөд бүрэн эрхт Элчин сайд Абдулла Абдулрахман Хуссайн Аль-Муфтахийг Төрийн Ордонд хүлээн авч уулзжээ.

Монгол Улсын Ерөнхийлөгч өнгөрсөн онд Арабын нэгдсэн улсуудаар айлчлах үеэр Катар Улс Монгол Улстай орон сууц барих асуудлаар хамтран ажиллах боломжтойгоо илэрхийлж байсны дагуу дээрх асуудлыг хэрэгжүүлж ажил хэрэг болгох үүднээс Нийслэлийн Засаг дарга Катарын талаас Улаанбаатар хотод шинээр орон сууцны хороолол барьж өгөх хүсэлтийг Элчин сайдад тавьсан байна.

Ноён Элчин сайд, Манай Ерөнхий сайд Гадаад хэргийн сайдын албыг хавсран хашдаг юм. Би Улаанбаатар хотод шинээр орон сууцны хороолол барих талаарх таны хүсэлтийг мэдэгдье. Харин танай талаас шинэ хорооллын төсөл, төсөв зардлыг нь гаргаж өгөх хэрэгтэй байна гэлээ.

Нийслэлийн засаг дарга бөгөөд Улаанбаатар хотын захирагч Т.Билэгт хүсэлтийг нь найрсагаар хүлээн авсанд талархаад, Катараас барилгын мэргэжлийн ажлын хэсэг урьж, туршлагатай хүмүүсийг ажиллуулах хүсэлтэй байгаагаа уламжлав.