Барилгын салбарын мэдээ мэдээлэл ус, агаар мэт хэрэгцээтэй байгаа өнөө үед тэрхүү мэдээллийн орон зайг нөхөн гарч ирсэн Монголын барилгын портал сайт

Одоогоос 1 жилийн өмнө, 2007 оны 3 сарын 15-ны өдөр албан ёсоор нээлтээ хийж байсан тус вэбсайт одоо өдөр тутамдаа 3000-5000 хүн байнга зочилж, барилгын талаархи хэрэгцээт мэдээ, мэдээллээ авдаг, интернэт зах зээл, интернэт хэрэглэгчдийн дунд өөрийн гэсэн байр суурь бүхий томоохон вэбпортал болон өргөжин ажиллаж байна.

Энэ хугацаанд барилгын салбарын байгууллагуудын бүтээгдэхүүн үйлчилгээг сурталчилах, тэдний интернэт зар сурталчилгааны зорилтот талбар болох, хэрэглэгчдэд мэдээллийг шуурхай түгээхийн төлөө чармайн ажилласаар ирлээ. Энэ хугацааны туршид барилгын 3 удаагийн үзэсгэлэн,  2 удаа барилгын сэдвээр семинар зохион байгуулж, сайтын мэдээллийн баазад 1200 гаруй барилгын болоод төрийн, төрийн бус, санхүүгийн байгууллагуудын, 1000 гаруй барилгын материалын талаархи мэдээлэл, мөн Улаанбаатар хотын төвийн 6-н дүүрэгт баригдаж буй шинэ орон сууцны мэдээллийг байршуулан, барилгын салбарт зарлагдаж буй тендер, төсөл хөтөлбөрүүд, үзэсгэлэн семинарын тухай мэдээлэл, өдөр тутам өрнөж байдаг үйл явдлын мэдээллүүдийг нийтлэж байна.

Тус сайтын эрхэм зорилго бол барилгын салбарын хэрэгцээт мэдээллээр хэрэглэгчдийг тасралтгүйгээр хангахад оршдог бөгөөд Монголын барилгын салбарт шинээр юу, ямар шинэ материал, технологи нэвтэрч байгаа, хаана, ямар компани шинээр орон сууц барьж байна, салбарт тулгамдаж байгаа асуудлууд, орон сууцны санхүүжилтийн асуудлууд, хаана, ямар үйл явдал болсон зэрэг сэдвүүд цаашид БАРИЛГА.мн сайтын анхаарлын төвд байнга байх болно.

Эрхэм хэрэглэгч та бүхэн өөрсдийн санал хүсэлтээ 976-70113333 утсаар, info@barilga.mn, barilgamn@yahoo.com мэйл хаягаар илгээгээрэй. Таны санал шүүмжлэл сайтын хөгжилд чухал үүрэгтэй юм.

Мөн барилгатай холбоотой мэдээлэл, зөвлөгөө зэргийг эдгээр хаягаар явуулж байхыг хүсье

Монголын барилгын портал БАРИЛГА.мн-ий хамт олон