-Одоо баригдаж буй орон сууцны талаар офицер, ахлагч нар их сонирхож байгаа. Энэ тухай тодорхой мэдээлэл өгөхгүй юу?
-СХД-ийн 18 дугаар хорооны нутаг дэвсгэрт 301 айлын орон сууцны хотхон барих ажил 2006 оноос эхэлсэн. Энд 2009-2010 он хүртэлх хугацаанд 9 давхар 5 орон сууц барихаар төлөвлөсөн. Одоогоор хоёр орон сууцны суурийг хийгээд байгаа. Энэ онд багтаан 63 айлын нэг орон сууцыг барьж босгох төлөвлөгөөтэй байна.

-Үнэ ханш нь ямар байх бол, цэргийнхэн тодорхой хэмжээний хөнгөлөлт эдлэх үү?
-Орон сууцны 1 м кв талбайн үнэ 440 мянган төгрөг. Ингэж үнэлэхэд 1өрөө байр 12,5 сая, 2 өрөө байр 17,6сая төгрөг болж байгаа. Гэхтээ БХЯ-наас цэргийнхэндээ 30 хувиар гэдэг ч юм уу, тодорхой хэмжээний хөнгөлөлт үзүүлэх бодлого барина. Яг хэдэн хувийн хөгөлөлт үзүүлэхээ одоогоор тогтоогоогүй. 12,5 сая төгрөгийн үнэтэй 1 өрөө байрыг 30 хувиар хөнгөллөө гэхэд орох офицер, ахлагч маань 8,5 сая төгрөг төлнө гэсэн үг. Бас урт хугацааны зээлд хамрагдах бололцоог орох хүмүүст олгохоор яригдаж байна.

-Өөр баригдаж буй орон сууцнууд хэр олон байна?
-БЗД–т Жуковын музейн цаана 72 дугаар дэлгүүрийн хойд талд 48 айлын 12 давхар орон сууц барьж байна. Энэ орон сууцыг Хятадаас тусламжаар олгосон бараа материалыг зарж борлуулсан хөрөнгөөр босгож байгаа БХЯ, ЗХЖШ-аас орох хүмүүсийн нэрийг орон сууцны өргөдлийн дарааллыг харгалзан гаргасан. Орох хүмүүст 50 хувийн хөнгөлөлт үзүүлнэ. 50 хувийг нь хөнгөлөхөд 1 өрөө байр 11 сая, 2 өрөө байр 13.8 сая төгрөгөөр үнэлэгдэж байна. Энэ онд ашиглалтанд орчих байх.

-Тэгвэл барихаар төлөвлөсөн орон сууц байгаа юу?
-БХИС-ийн хашаанд дээр дурдсан 301 айлын орон сууц шиг 9 давхар орон сууцны хотхон барихаар яригдсан. Одоогоор цаасан дээр л төлөвлөөд байж байна.  Мөн 16 дугаар хороололд 44 дүгээр дунд сургуулийн зүүн талд 29 айлын 5 давхар угсармал орон сууцыг энэ онд багтааж барина. Налайхт байгаа БХЯ-ны харьяа хуучин орон сууцыг буулган энд авчирч барих юм. 2006 онд 29 айлын орон сууц босгосон. Орохыг хүссэн хүмүүс урьдчилгаа 50хувийн үнэ төлөх ёстой. Үлдсэн хувийг байранд орохдоо төлнө. Цэргийнхэн төдийгүй цэргээс тэтгэвэрт гарсан хүмүүс хандаж болно.