2 сарын сарын 27-нд барилгын салбарынхан “Барилгын салбарын хүний нөөцийн удирдлага” сэдвийн дор чуулсан билээ. Дотоодын ажиллах хvчин бэлтгэх тухай илтгэл тавьж, олон талын санал бодлоо энэ vеэр солилцсон.

Семинарыг ивээн тэтгэгч “Нийслэл өргөө” компани 100 хувь монгол хvмvvсийг ажиллуулдгаараа ялгарч байсан. Компанийн тэргvvн дэд захирал, ерөнхий инженер Д.Жамъянтай ярилцлаа. 40 гаруй жилийн тvvхтэй энэ компани зохион байгуулалт, vйлдвэрлэлийн баазын хувьд томд тооцогддог.

-Барилгын салбарт ажиллах хvчний нөөц дутагдалтай байгаа нь юунаас болж байна вэ?

-Манай орны барилгын салбарын хөгжил ямар шатанд явж байна вэ?

-Барилгын салбар нэг хэсэг зогсонги байдалд байж байгаад сvvлийн арван жилээс л сэргэж байна. Ер нь хэдэн жилийн өмнөхтэй харьцуулахад харьцангуй хөгжиж байгаа. Хамгийн гол нь техник технологи, барилгын хөдөлмөрийг механикжуулах асуудал дэлхийн жишгээс хоцроод байна.

-Сvvлийн vеийн барилгуудын чанар муудлаа гэж ярих болсон. Энэ талаар ямар бодолтой байна вэ?

-Барилгын vйлдвэрлэл эрхэлж байгаа 1400 орчим байгууллага байна гэсэн судалгаа бий. Vvнд барилгын мэргэжилтэй, технологио мэддэг хvн тун бага хувийг эзэлж байгаа юм. Зөвхөн мөнгө олох сонирхолтой хvмvvс аль хямд, чанаргvй барилгын материал импортоор оруулж ирэх болж. Иймээс бидний нэр хvнд унаад байгаа юм. Мөн Хятадаас барилгачид олноор орж ирж байна. Тэд өөрсдийн шавар байшингаа барих дадлага туршлагатай болохоос орчин vеийн барилга байгууламжийн ойлголт муутай. Мэргэжилгvй ажилчид чанар сайтай барилга барина гэдэг худлаа. Дээр нь сайн удирдлага дутагдахаар бvр дордож байна.

-Орон сууцны vнийг гадны хөрөнгө оруулалттай компаниуд их өсгөж байгаа. Тухайлбал Солонгосын хөрөнгө оруулалтай “Сөvл” групп, мөн “Жэпэн таун” зэргийг нэрлэж болно. Энэ компаниуд чанартай барилга барих нь барьж байгаа. Гэвч орон сууц нь vнэтэй болохоор монгол хvн худалдаж авах нь ховор. Хатуухан хэлэхэд, тэд нутаг нэгтнийхээ монголд амьдрах байрыг бэлдэж байгаа юм. Нөгөө талаар барилгын материалын болон тээврийн vнэ өдөр ирэх бvр өсч байна. Манай улс хэрэглээнийхээ барилгын материалын 80 хувийг импортоор авдаг. Тэгэхээр гадаад зах зээл бас нөлөөлж байна гэсэн vг л дээ.

-Төр бодлогоороо биднийг дэмжихийн оронд бvр дарамтанд оруулж байна. Гаалийн татварыг тухайн барааг худалдаж авсан vнээс 2-3 дахин нугалж авдаг. Жишээ хэлэхэд ОХУ-аас арматурын төмөр оруулж ирэхэд нэг тонныг 400 гаруй доллароор авдаг. Харин гааль дээр 800 гаруй долларын татвар төлдөг.

-Хятад барилгачдын цалин монгол ажилчдынхаас их гэж ярьдаг. “Нийслэл Өргөө” компани барилгачдын хөдөлмөрийг vнэлэх тал дээр ямар бодлого баримтладаг вэ?

-Манай компани өндөр цалин өгч байж хvнийг тогтвор суурьшилтай ажиллуулна гэсэн бодлого барьдаг. Ажилчдын мэргэжлийн онцлог, ур чадвар зэргийг харгалзан, тогтмол 300 мянгаас доошгvй цалин олгодог. Ингэж байж л өөрийн гэсэн ажилчдаар чанартай ажил хийлгэнэ шvv дээ. Манай компани хятад барилгачид ажиллуулдаггvй болохоор тэдний цалин өндөр байдаг эсэхийг мэдэхгvй байна.