Засгийн газраас 2007 оныг “Их бүтээн байгуулалт, шинэ ажлын байр нэмэгдүүлэх жил” болгон зарласантай холбогдуулан Барилга Хот Байгуулалтын Яам, Монголын Хэрэглэгчдийн Эрх Ашгийг Хамгаалах Нийгэмлэгүүдийн Үндэсний Холбоо, Нийслэлийн Хэрэглэгчдийн Эрх Ашгийг Хамгаалах Нийгэмлэг, “ГҮЧ PR” Агентлаг, “WWW.BARILGA.MN” хамтран “Их бүтээн байгуулалт-2007” үзэсгэлэн яармагийг 2007 оны 4-р сарын 10-14-ний өдрүүдэд Мэдээлэл Технологийн Үндэсний Паркд зохион байгуулах гэж байна.
Уг үзэсгэлэн яармагт газрын харилцаа, кадастр, инженер-геодези, барилга экологи, зураг төсөл, барилга угсралт, барилгын материалын үйлдвэрлэл, худалдаа эрхлэгчид, үл хөдлөх хөрөнгийн бүртгэл, бондын арилжаа, даатгал, барилга, орон сууцны хөрөнгө оруулалтын цогцолбор арга хэмжээнд оролцогч байгууллага, аж ахуй нэгжүүдийг хамруулсан.
Үзэсгэлэн яармагийн гол ач холбогдол нь Засгийн Газрын “40000 айлын орон сууц” хөтөлбөрийг хэрэгжүүлэхэд зайлшгүй шийдвэрлэвэл зохих газар эдэлбэр, харилцаа, хөрөнгө оруулалт, орон сууцны санхүүжилт, хүн амын аюулгүй, эрүүл ахуйн шаардлага хангасан инженерийн оновчтой шийдэлтэй байгууламж бүхий орон сууцтай болгох зэрэг асуудлыг иж бүрнээр шийдвэрлэхэд ахиц гаргах юм.
Монголын барилгын салбарт байр сууриа эзлэх гэж яаран буй эрхэм та бидний зохион байгуулж буй үзэсгэлэн яармагт оролцохыг урьж байна.

“ИХ БҮТЭЭН БАЙГУУЛАЛТ- 2007” Үзэсгэлэн яармагын тухай 

1.Үзэсгэлэнгийн зорилго:

Үзэсгэлэнд оролцсоноор та бүхэн тухайн салбарынхаа одоогийн байдал, маркетингийн болон зах зээлийн судалгаа явуулах, бизнесийн үйл ажиллагаагаа сурталчилах, бусдаас давуу талаараа ялгарах, байгууллага, аж ахуйн нэгж, хувь хүмүүсийн хооронд харилцан бизнес холбоо тогтоох боломж, бараа бүтээгдэхүүнээ нээлттэй худалдаалах нөхцлөөр бүрэн хангагдана.

2.Талбай:
“Их бүтээн байгуулалт - 2007” Үзэсгэлэн худалдаа “Мэдээлэл технологийн үндэсний парк”-ийн үзэсгэлэнгийн танхимд зохиогдоно. Уг талбайд урьд нь олон томоохон төрөлжсөн үзэсгэлэнгүүд амжилттай зохиогдож байсныг дурьдахад таатай байна.
Үзэсгэлэнгийн талбайг олдоцоос шалтгаалан түрүүлж хандсан байгууллага аж ахуйн нэгжүүдэд эхэлж олгоно.

3.Үзэсгэлэнгийн талбайн үнэ:
1.Нэг байгууллагад ногдох талбайн нийт хэмжээ 6м2 - /5 хоногт/ - 250 000¥
2.Талбайн үнийг байршилаа сонгосон өдрөөс хойш 1-2 хоногийн дотор тушааснаар талбай танай байгууллагын нэр дээр баталгаажина.

4.Үзэсгэлэнгийн үнэнд доорхи зүйлс багтана. Үүнд:
1.Үзэсгэлэнгийн цагийн хуваарь дууссанаас хойшхи харуул хамгаалалт
2.Үзэсгэлэнгийн реклам, зар сурталчилгаа
3.Цэвэрлэгээ
4.Цахилгаан, дулаан
5.Байгууллагын албан ёсны лого, нэрийг нэг стандартаар бэлтгэсэн нэгдсэн хаяг.

5.Үзэсгэлэнд оролцогч байгууллага дараах зүйлсийг бэлтгэнэ.
-Компанийхаа бараа бүтээгдэхүүн, үйлчилгээнийхээ талаархи танилцуулга, хэвлэмэл материал
-Үзэсгэлэнгийн үеэр бараа бүтээгдэхүүндээ тодорхой хэмжээний хямдрал зарлах
-Кабинаа тохижуулах зурагт хуудас
-Байгууллагын туг, далбаа /гадаа өлгөх жижиг дарцаг зэргийг авчирч болно/
-Өөрсдийн шилэн лангууг авчирах.

6.Оролцогч байгууллагын анхаарах зүйлс:
-Хувийн болон орчны аюулгүй байдлыг хангана.
-Цаг баримтлах
-Кабиндаа цэвэрхэн суух

7.Үзэсгэлэнгийн хугацаа:
Үзэсгэлэн нь 2007 оны 4-р сарын 10-аас 14-ний хооронд 5 өдөр үргэлжилнэ.
4-р сарын 09-нд 10:00-18:00 цагийн хооронд кабинаа хүлээн авч тохижуулна.
4-р сарын 10-нд 9:00-10:00 цагийн хооронд кабиндаа бараа бүтээгдэхүүнээ байршуулан нээлтэнд бэлтгэх
11:00 цагаас “Их бүтээн байгуулалт-2007” үзэсгэлэнгийн ажиллагаа нээгдэнэ.
12:00 цагаас нээлтийн арга хэмжээ албан ёсоор эхэлнэ.
4-р сарын 10-14-нд 10:00-19:00 цагийн хооронд үзэсгэлэнгийн үйл ажиллагаа явагдана.
4-р сарын 14-ний 16:00 цагаас хаалтын ажиллагаа, шагнал гардуулах ёслолын үйл ажиллагаа явагдана.

Бүртгэл:
Утас: 77113333
Хаяг: Баруун дөрвөн зам "Сан" дээд сургууль 4 давхар 406 тоот
WWW.BARILGA.MN Барилгын зөвлөгөө мэдээлэлийн төв