Та барилга барих гэж байгаа бол хамгийн нэгдvгээрт усны асуудлаа шийдэх хэрэгтэй. Ингэснээр дараа гарах vргvй зардлаас зайлж чадна. Худаг хэмээх байгууламж нь бусад барилга байгууламжтай харьцуулахад хэд хэдэн онцлогтой.

Vvнд:

Худагтай болоход анхаарах зарим нийтлэг асуултууд

А. Захиалагчаа сонгохдоо юуг анхаарах вэ

1. Худаг гаргах орчинд хайгуул хийх шаардлагатай эсэх,
2. Хайгуул хийсэн бол хайгуулын дvгнэлт, зvсэлт бий эсэх
3. Гvйцэтгэгч байгууллагын туршлага, урьд нь хаана хаана худаг гаргаж байсныг сонирхох
4. Ямар технологоор, ямар тоног төхөөрөмжөөр өрөмдөх
5. Ямар материал ашиглах (ган хоолой, хуванцар хоолой)
6. Ямар хугацаанд гаргах

Б. Худаг өрөмдөж байх vед хэрхэн хяналт тавих вэ;

1. Таны яг сонгосон газар эсвэл хайгуулаар заасан цэгт өрөмдлөг явагдаж байгаа эсэх
2. Яндан шvvр суулгахад байлцаж хэдэн м яндан суулгаж байгааг хянах
3. Шvvрийн хийцийг харах
4. Худагт хийж буй хайрга зориулалтын эсэхийг хянах.
5. Хэдэн цаг шавхаж байгааг хянах.
6. Шавхалтыг компрессороор хийж буй эсэх (насосоор шавхах нь хангалтгvй)

В. Таны худгийн ус ундны усны стандартад тохирч буй эсэхийг хэрхэн мэдэх вэ

1. Гvйцэтгэгч байгууллага шавхалтын vед уснаас зориулалтын саванд дээж авч шинжилгээний лабораторт шинжлvvлж албан ёсны дvгнэлтийг танд өгөх ёстой. Бид Геоэкологийн хvрээлэнгийн усны лаборатороор шинжvvлж шинжилгээний дvгнэлтийг захиалагчид албан ёсоор өгдөг

1. Худгийнхаа гvнийг зориулалтын гvн хэмжигчээр хэмжиж хvлээн авах
2. Орчноо цэвэрлvvлэх (Илvvдэл хөрс шаврыг зайлуулах)
3. Худгийн паспортыг гvйцэтгэгчээс авах
Паспортон дээр танай худгийн гvн, сууултын яндангийн хэмжээ, яндангийн материал, шvvр суусан гvн, шvvрийн хийц, ундарга, статик, динамик тvвшин, насосны хvчин чадал, марк зэргийг тусгана. Энэ нь дараа танай худгийн ус багасах эсвэл лайдах, цэвэрлэх, засвар vйлчилгээ хийх шаардлагатай болоход баримтлах гол баримт материал болно.
4. Худгийн усны шинжилгээний дvгнэлтийг хvлээн авах

Д. Худаг чинь бага устай эсвэл усгvй болсон бол яах вэ

Энэ асуудал туйлын хvсvvшгvй зvйл боловч ийм нөхцөлд хэрхэн шийдэх тухайгаа гэрээндээ тусгаж өгсөн байвал зохино.
Манай байгууллага хайгуулаа өөрсдөө хийсэн нөхцөлд энэ рискийг өөртөө хvлээдэг. Харин хайгуулыг өөр байгууллага хийсэн бол бид аль болох захиалагчид бага дарамттай байх талаас асуудлыг шийдэхийг хичээдэг.
Гэхдээ бид 10-аад жил ажиллахдаа ийм 2 тохиолдолтой л учирч байсан.

Е. Худагтай боллоо одоо насосоо хэрхэн сонгох вэ

Ус өргөх насос нь дараах vндсэн нөхцлvvдээс хамаарч сонгогдоно. Vvнд:

1. Таны усны хэрэгцээ (Vvнийг vйлдвэрийн зориулалттай худагт бол тоног төхөөрөмжийн хvчин чадал, бvтээгдхvvний хэмжээтэй уялдуулан тооцно. Хувийн хэрэгцээнд бол хэдэн ам бvлтэй болон хэдэн хэрэглэгчтэйгээс хамааруулан тооцно.)
2. Худгийн тань ундарга ямар вэ
3. Цахилгааны эх vvсвэрийн байдал найдвартай эсэх, хэлбэлздэг эсэх
4. Насосоор усаа хааш нь шахах гэж байгаа (Нөөцийн сав руу, шууд сvлжээнд, г.м)
5. Усыг хир өндөрт гаргах шаардлагатай вэ
Манай байгуулага дээрх vзvvлэлтvvдтэй уялдуулан захиалагчид өөрийн импортолдог Итали, Америк, Австрали, Орос, Хятад улсын 220в болон 380в-ын насосын аль тохирохыг санал болгодог.

К. Насостой уялдан өөр юу шаардагддаг вэ

1. Ус өргөх хоолой. Энэ нь хуванцар (PVC, PPR) хоолой, хар металл хоолой, цайрдсан хоолой байж болно.
2. Усны зориулалттай цахилгааны кабель
3. Насос дvvжлэх зэвэрдэггvй ган тросс
3. Тросс дvvжлэх гогцоо – серги
4. Тросс бэхлэгч - мички
5. Кабель тогтоогч
6. Кабель холбогч зохиулалтын муфт

Л. Худгийн дээд хэсгийг хэрхэн шийдэх вэ

Энэ хэсгийг толгойн хэсэг гэж нэрлэдэг бөгөөд дараах хэлбэрvvдээс сонгож болно. Vvнд:

1. Худгийн дээр тоосгон эсвэл модон барилга барих. Энэ нь ус тvгээх худагт тохиромжтой
2. Далд монтаж хийх 2-3 ш төмөр бетон кольцо тавьж ёроолын хэсгийн цас борооны ус нэвтрэхээс хамгаалан бетондоно. Кольцон дээр ширмэн люк бvхий төмөр бетон таг угсарч өгнө. Кольцоны тоо нь хөлдөлтийн гvнээс хамаарна. Ихэнх тохиолдолд 3ш кольцо ордог.
3. Давхар далд монтаж
Энэ нь дээрхи ширмэн люк таган дээр 202х1,2х0,2м - тэй хэмжээтэй дулаалгын давхар таг угсарч өгнө. Таг нь дотроо хөөстэй, нугас бvхий онгойдог хэсэгтэй мөн цоожтой. Энэ монтаж нь зуслангийн худгуудад илvv тохиромжтой.

Гүний худгийн цахилгаан насос монтажлахад энэхүү энэ зааврыг ашиглана.

Насосыг монтажлахын өмнө анхаарах зүйлс.

Дээрхи шаардлагуудыг анхаарч үзсэний дараа насосыг цооногт монтажлана.

Үүнд :

- Шахаж байгаа усанд тодорхой хэжээний хийн хольц байвал насосны бүтээл багасна. Энэ нь насосны мотор амархан халж улмаар шатах шалтгаан болно. Насосны ус шахагч шугам хоолой болон системийн бусад эд ангийг хөлдөхөөс сэргийлэх хэрэгтэй. Хөлдсөн систем нь насосны моторт даралт үүсгэн шатах гэмтэлд хүргэж болох юм.
- Насосыг мантажлах болон засвар үйлчилгээ хийхдээ насосны удирдлагын самбарыг цахилгааны хүчдэлээс салга. Насосны удирдлагын самбар, моторын хүчдэл, цахилгаан гүйдлийн давтамж нь цахилгааны шугамын үзүүлэлттэй тохирч байгаа эсэхийг шалгана.
- Худгийн цооногийн амсрыг битүүмжлэн гаднаас элс шороо болон бусад зүйл орохоос сайтар хамгаалах ёстой. Учир нь эдгээр зүйлээс насос механик гэмтэл авах боломжтой.
- Удирдлагын самбарын дулааны хамгаалалтын рельег насосныг түлхэх моментийг даах хэмжээнд тохируулж тавина.

Насосны моторт цахилгааны холболтыг зөв хийсэн эсэхийг дараах байдлаар шалгадаг:

1. Насосны цахилгааны фазын холболтыг зөв хийсэн бол насосонд хүчдэл өгч түлхэх эхний агшинд ус өргөгч яндан цагийн зүүний дагуу бага зэргийн хөдөлгөөн хийнэ.
2. Буруу эргэлттэй холбогдсон моторын хөдөлгөөнийг зөв болгохын тулд 3 фазын утасны аль нэг хоёр утсыг хооронд нь сольж холболт хийнэ.
3. Моторын зөв эргэлттэй насос техникийн үзүүлэлтийн тохирох хэмжээний усыг шахна. 

Энэ төрлийн хоолой нь раструптай ба раструпгүй гэж 2 ангилагдана.

Раструпгүй хоолойг тусгай зориулалтын цавуугаар нааж холбоно

1. Хоолойг угсрахын өмнө зургийн дагуу хоолойн бүрэн бүтэн байдлыг нягтлана. / Зөөвөр тээврийн явцад цууралт үүсэн байж болох. Энэ тохиолдол маш ховор/
2. Хоолой, холбох хэрэгсэлийг наахын өмнө байршилыг тогтооно.
3. Холбогдох гадаргууг хуурай цэвэр даавуугаар арчиж хог шороог арилгана. /Наалдах гадаргуу чийгтэй байж болохгүй/
4. Цавууг өөрийнх нь багсаар наалдах гадна, дотор 2 гадаргууд жигд түрхэж өгнө.
5. Цавууг түрхэсний дараа цавуудсан хэсгийг угсран 45 градус эргүүлж 3-5 минут хөдөлгөөнгүй барина.
6. Гадагш шахагдаж гарсан цавууны үлдэгдлийг арчиж авна. / Арчихгүй бол гадаргууг шарлуулдаг/
7. Энэхүү цавуу нь 2 гадаргууг хайлуулан наах учир холболт маш найдвартай болдог

Угладаг буюу раструптай хоолойг холбох аргачлал

1. Хоолойг угсрахын өмнө зургийн дагуу хоолойн бүрэн бүтэн байдлыг нягтлана. / Зөөвөр тээврийн явцад   цууралт үүсэн байж болох. Энэ тохиолдол маш ховор/
2. Хоолойн ховилд резинийг суулгаж өгнө. Үүнд резиний налуу талыг хоолойн амсар луу харуулан гараараа суулгана. Резинийг суулгахын өмнө хоолойн дотор талыг цэвэр даавуугаар арчин элс шороог цэвэрлэнэ. Резин ховилд зөв бат суусныг заавал шалгана.
3. 2 дахь хоолойг угсрахын өмнө раструп тал руу орох хэсгийг мөн цэвэр даавуугаар арчина.
4. Резинийг усаар норгоно.
5. Угсрах хоолойг тэгш гадаргуу дээр нэг шулуунд байрлуулана.
6. 2 дахь хоолойн амсрыг жигд гулсуулан эхний хоолойн раструптэй хэсэг рүү оруулсны дараа хоолойн төгсгөлд хавтгай мод, банз тавин алхаар зөөлөн цохиж хоолой бүрийн төгсгөлд тэмдэглэгдсэн хар зураасаас 1,5 см дутуу оруулснаар угсралт дуусна. Энэ 1,5 см нь хоолой дефформацид орж сунах агшихад зориулагдсан хэмжээ юм.
Хоолой зөв угсрагдсан бол буцааж татахад хөдлөхгүй байх ёстой.
7.PPR, PЕ AL-PL хоолойг зориулалтын цахилгаан багажаар мэргэжлийн хүн угсралт хийнэ.

4. АХУЙН БОХИРДЛЫН БАГА ОВРЫН ЦЭВЭРЛЭХ БАЙГУУЛАМЖ

Энэхүү биологийн цэвэрлэх байгууламж нь ахуйн бохирдлыг цэвэршүүлэн байгальд нь шингээснээр байгаль орчныг бохирдлоос хамгаалах үндсэн зорилготой.

Манай улсад сүүлийн жилүүдэд хувийн орон сууц, коттедж, жуулчны баазууд олноор баригдах болсонтой холбогдон тэдний цэвэр бохир усан хангамж, дулаан, агааржуулалтын системийн асуудал гарч ирсэн. Эдгээрээс шийдэгдээгүй асуудал нь ахуйн бохирдлын систем байсан тул судалгаа шинжилгээ хийсний дүнд европ технологийг сонгон энэхүү байгууламжийн үйлдвэрлэх шийдэлд хүрсэн юм.

Европт ашиглагддаг /хүйтний эрч -8 градусаас хэтэрдэггүй/ цэвэрлэх байгууламжийн загварыг өөрийн орны цаг агаар нөхцөл байдалтай уялдуулан нэмэлт хэрэгсэл тавин ашиглаж байна Өөрөөр хэлбэл манай улсад энэхүү төхөөрөмжийг хөлдөлтийн гүнээс доош суулгах шаардлагатайн дээр хөлдөлтөөс хамгаалсан термокабель болон армстронг дулаалгаар дулаалах зарим тохиолдолд цэвэршүүлсэн усыг шингээх хайрган хөрсийг төхөөрөмжийн эргэн тойронд үүсгэх зэрэг нэмэлт арга хэмжээг тооцсон болно.

Цэвэрлэх байгууламжийг PP, PVC, PE төрлийн хуванцар хавтангаар гүйцэтгэнэ. Хуванцар хавтан нь зэврэлт өгдөггүй, ашиглалтын хугацаа урт зэрэг давуу талуудтай.

Цэвэрлэх байгууламжийн хүчин чадлыг айл өрхөд тавигдах бол ам бүлийн тоо, албан байгууллага, жуулчны баазад угсрагдах бол өдөрт хүлээн авах хүний тооноос хамаарч сонгоно. 

Цэвэрлэх байгууламж нь биологийн процесс дээр тулгуурлан ажиллах бөгөөд гурван хэсгээс бүрдэнэ.

1. Тунгаах хэсэг
2. Биологийн идэвхт процесс явагддаг хэсэг.. Агаараар байнга тэжээгдэж байгаа бактери нь бохир усыг цэвэрлэх биологийн үйл ажиллагаа энэ хэсэгт явагддаг.
3. Цэвэрлэгдсэн ус нөөцлөгдөх ба гадагшлах хэсэг.

Цэвэрлэх байгууламжийг ашиглах улиралаас хамааран дулаалгатай дулаалгагүй гэж үйлдвэрлэнэ. Үүнд зөвхөн зуны улиралд ашиглах зуслангийн байр болон жуулчны баазуудад дулаалгагүй байхын дээр 1-1,5 м-ийн гүнд суурилуулж болно. Харин байнгын ашиглалттай барилгад цэвэрлэх байгууламжийг хөрсний хөлдөлтийн гүнээс доош термокабель болон армстронг дулаалгаар дулаалж суурилуулна. Түүнчлэн цэвэршсэн усыг зүлэг ногоо услах бордоо болгон ашиглаж болох учир зүлэг ногоо услах хоолой тавих боломжтой. Энэхүү байгууламжийг хэрэглэгч ашиглахад ямарч хүндрэлгүй нэмэгдэл төхөөрөмж шаардлагагүй. Харин агаар өгөх насосыг байнга ажиллуулж байх шаардлагатай. Түүнчлэн цэвэрлэх байгууламжид бакатери ажиллаж байгаа учир түүнд байнгын тэжээл шаардлагатай өөрөөр хэлвэл тасралтгүй ашиглагдаж байх хэрэгтэй. Мөн хөлдөөж болохгүйн дээр химийн бодис хэтэрхий ихээр /ахуйн зориулалттайгаас гадна/ хэрэглэхийг хориглоно.

Хөрсийг бохирдсон хойно цэвэршүүлэх нь маш их зардалтай үйл ажиллагаа болдогийг Европын зарим орны туршлагаас харж болох юм. Иймд одоо энэхүү байгууламжийг ашигласнаар байгаль орчныг бохирдлоос хамгаалахын зэрэгцээ бохирдсон хөрсийг цэвэрлэх ирээдүйд гарах маш их зардлыг хэмнэж байгаа хэрэг юм.

БАРИЛГА.мн дахь компанийн танилцуулгыг энд дарж үзнэ үү

Хаяг: Баянгол дүүрэг 20-р хороо, Гурвалжингийн гүүрний баруун талд “Ус Оюу” ХХК
Утас: 685775, 99119210, 99089537, 99095837
Факс: 688286
И-мэйл: usoyu@magicnet.mn
Вэб: www.usoyu.mn