Ажлын байрны аттестатчилалд тэнцэхгүй бол үйл ажиллагааг нь зогсооно

Barilga Barilga
2019-11-06
Ажлын байрны аттестатчилалд тэнцэхгүй бол үйл ажиллагааг нь зогсооно

Засгийн газрын тогтоол гарч, НХХЯ-ны дэд сайд С.Чинзоригоор ахлуулсан комисс байгуулагдан улс орон даяар ажлын байрны аттестатчилал эхэллээ. НХХЯ, УМХГ, МVЭХ хамтран ажлын байрны аттестатчилалыг энэ оны нэгдvгээр улиралд багтаан явуулах бөгөөд өмчийн бvх хэлбэрийн аж ахуйн нэгж байгууллага хамрагдаж, шалгалтад хангалтгvй vнэлгээ авбал vйл ажиллагааг нь зогсоох хvртэл арга хэмжээ авах юм байна.

Аттестатчлал нь хөдөлмөрийн аюулгvй ажиллагаа, эрvvл ахуйн хууль тогтоомжийн хэрэгжилтийн явц, байдалд судалгаа дvгнэлт хийж, илэрсэн зөрчил, дутагдлын учир шалтгааныг тодруулан арилгуулах, цаашид хууль тогтоомжийг боловсронгуй болгох, ажлын байрны хэвийн нөхцлийг хангуулахад чиглэгдэж байгаа аж. Анх 1997 онд улсын хэмжээнд ажлын байрны аттестатчилал явуулж 5000 гаруй байгууллага, аж ахуйн нэгж хамарч тэдний 90 хувь нь шаардлага хангаагvй байна. 2003 онд тааруу шалгагдсан байгууллагуудаа дахин аттестатчлалд оруулахад 70 орчим хувь нь ахиц дэвшил гаргажээ. Ажлын байрны нөхцөл, хөдөлмөр зохион байгуулалт муугаас vйлдвэрлэлийн осол, мэргэжлээс шалтгаалах өвчин тодорхой хэмжээгээр буурахгvй байна гэж vздэг юм байна.

 
МОНЦАМЭ