Өчигдөр Барилга, хот байгуулалтын яам хөл хөдөлгөөнтэй байлаа. Учир нь тус яам сар бvрийн 25-ны өдрийг нээлттэй болгосон юм. Энд яамны хот байгуулалтын бодлого төлөвлөлт, барилга, орон сууц, нийтийн аж ахуйн бодлого зохицуулалт, газрын харилцаа эрхийн бvртгэл, санхvv, хөрөнгө оруулалт маркетинг гэсэн зургаан газраас иргэдийн сонирхсон асуултад хариулт өгч байлаа.

Ихэнх хvмvvс хаанаас газар хувьчилж авах, зээлд хэрхэн хамрагдаж орон сууцтай болох, "40 мянган айлын орон сууц хөтөлбөр"-ийн хэрэгжилтийн талаар сонирхож байлаа. Цөөн хэдэн хvмvvс хууль эрх зvйн тухай лавлаж байв. Эл өдөр иргэдэд тус яамны www.mcud.gov.mn вэб сайтад байрлуулсан барилгын чиглэлийн хуулийн төслvvдтэй танилцаж саналаа хэлэх боломж олдсон юм.

Газар хувьчилж аваагvй нийслэлийн иргэд "Эмээлт", "Гачуурт", 22-ын товчоо орчим газар өмчилж авах боломжтой байгааг мэргэжилтнvvд дуулгалаа. Мөн энэ онд "40 мянган айлын орон сууц хөтөлбөрийн" хvрээнд бондын хөрөнгөөр 2558 айлын орон сууц ашиглалтад орох юм байна. Тvvнчлэн тус яамнаас бондын хөрөнгөөс гадна барилгын компаниудтай гэрээлэх хэлбэрээр 16 мянган айлын орон сууц барих төлөвлөгөө гаргажээ. Тухайлбал, Баянголын аманд 1000, БЗД-т 1000, Нисэхт 3000 айлын орон сууц баригдах юм байна. Одоогоор Нисэх, Баянголын аманд баригдах барилгын дулаан, цэвэр, бохир усны шугам тавих ажил хийгдэж байгаа аж.