Монголын Засгийн газар өмч хувьчлах шийдвэр гаргаснаасаа хойш зөвхөн 1996-2003 онд 56,094,342,927 төгрөгийн өмч хувьчилсан байна. Харин 2006 онд Монголын төр ” Хадгаламж" банкийг Чингис хаан банк, Братскийн Ардын банк, Монгол даатгал ХХК-ийн хамтарсан консорциумд 23,417,665,000 төгрөгөөр, “Дархан мах экспо” ХК-ийг 5,371,000,000 төгрөгөөр “Эрд шүр” ХХК-д, Хүмүүнлэгийн ухааны их сургуулийг 1,250,000,000 төгрөгөөр “Мон Логос” ХХК-д гэх зэргээр нийт 33,441,273.000 төгрөгийн хөрөнгө зарсан байна.

Харин 2007 онд нэн түрүүнд 100 хувийн төрийн өмчит “Аэрогеодези” ТӨХК, “Зурагзүй” ХХК-ийг хөрөнгө оруулалт хийх замаар хувьчлах уралдаант шалгаруулалтын аргаар хувьчлахаар болсон бол, “Монголчехсловакгео” ХХК-ийн төрийн өмчийн 46 хувийг, “Монболгаргео” ХХК-ийн төрийн өмчийн 50 хувийг тус Чех, Болгар улсын бизнес эрхлэгчдэд санал болгож татгалзсан тохиолдолд нээлттэй дуудлага худалдаагаар хувьчлахаар шийдвэрлэжээ. Монгол Улс 2008 онд ч төрийн өмчийг 2005-2008 онд хувьчлах, өөрчлөн байгуулах үндсэн чиглэлд багтсан томоохон аж ахуйн нэгжийн хувьчлалыг гүйцээхээр төлөвлөжээ. Тухайлбал, Дарханы төмөрлөгийн үйлдвэр” ТӨҮГ, “Монголросцветмет” нэгдэл зэрэг улсын эдийн засагт нөлөөллөхүйц аж үйлдвэрлэл, дэд бүтцийн салбарт Улаанбаатарын Дулааны дамжуулах сүлжээ ХК, Дулааны цахилгаан станц-2 ХК, Дулааны цахилгаан станц-3 ХК, Дархан, Эрдэнэтийн Дулааны цахилгаан станц зэргийг багцаар нь буюу дангаар нь хувьчлах бол боловсрол эрүүл мэндийн салбарт “Монгол кино” нэгтгэл ТӨYГ, Шастиний нэрэмжит III эмнэлгийг хувьчлах хүлээгдээд байгаа юм байна.