Хvйтний улиралд барилгын талбай дээр бетоны зуурмаг бэлтгэж, цутгаснаас зуурмаг нь бэхжиж амжилгvй хөлддөг. Энэ нь барилгын бат бөх чанарт ноцтой сөрөг нөлөө vзvvлнэ. Yvнийг барилгын компанийнхан мэддэг мөртлөө барилгад ашиглах бетон цутгасаар л. Мэдээж, хөлдсөн бетон нь гэсэх vед бутран унаж, даацын чадваргvй болдог. Нэгэнт хөлдсөн бетоныг бэхлэх ямар ч боломжгvй учир буулгаж нураахаас өөр аргагvй. Эдийн засгийн хувьд ч хохиролтой. Барилгын компаниуд хэсэгчлэн хөлдсөн барилгын бvтцийг буулгаж, нураалгvй, нууцаар угсралтын ажил хийж байгаа нь УМХГ-аас хийсэн шалгалтаар илэрсэн байна.

Энэ нь иргэд, аж ахуйн нэгжид нөхөж баршгvй гамшиг авчрах нь тодорхой. Тиймээс тус газраас анхааруулга гаргасан аж. Хvйтний улирал эхэлсэн хойно бетон цутгаж, барилга угсралтын ажил хийх ёсгvй байдаг. Гэтэл энэ сарын эхний арав хоногийн байдлаар 120 гаруй барилга бетон цутгаж байгаа аж. Хvйтний улиралд бетон цутгаж байгаа аж ахуйн нэгж, компаниуд электрод ашиглан арматур халааж гvйцэтгэхдээ бетон зуурмагт хөлдөлтийн эсрэг арга хэмжээ авдаггvй. Халаах аргаар цутгасан бетоны гадаргуугийн халаалтын температурын зөрvv таван хэмээс их, жигд бус халаалттай. Yvнийгээ 24 цагийн турш харуул хамгаалалттай байлгах тухай заалтыг мөрддөггvй. Цахилгааны эх vvсвэр нь найдваргvй, трансформатор зэрэг тоног төхөөрөмж нь бvрэн биш, эвдэрсэн, ажил гvйцэтгэх төслөө мөрддөггvй, цутгасан бетоны гадаргууг дулаан материалаар хучдаггvй. Тийм болохоор рам, карказны бетон бат бэх болохгvй хөлддөг зэрэг зөрчил шалгалтаар илэрсэн байна. Иймээс УМХГ-аас өдрийн дундаж температур тэг хэмээс доошлох vед цутгалтын ажлыг зогсоох шийдвэр гаргажээ. Ингэснээр гарч болзошгvй ослоос урьдчилан сэргийлэх юм. Одоо барьж байгаа олонхи барилгын даацын рам, карказны бетоны зуурмаг төсөлд заасан бат бэхийнхээ хэмжээнд хvрэхгvй байгаа аж. Эндээс vзвэл барилгын компаниуд зөвхөн ашиг олохыг гол зорилгоо болгож байна.

Барилга барих нь хэдий ашиг олох бизнес ч гэсэн хэрэглэгчдийн шаардлагад нийцvvлэх ёстой. Хамгийн гол нь, иргэдийн амьдрах, ажил vйлчилгээ эрхлэх таатай нөхцөлийг бvрдvvлсэн, аюулгvй барилга барих нь чухал. Барилгын чанарыг тодорхойлох vндсэн vзvvлэлт нь барилгын даацын vндсэн рам, карказын бетоны бат бэх байдал байдаг. Манай улсын барилгын стандартын шаардлагад хайрга, цементийг итгэмжлэгдсэн лабораторийн баталсан орц, нормын дагуу зуурч, бетоны зуурмаг бэлтгэж хэрэглэдэг. Тийм болохоор бетон арматуртай сайн барьцалдаж, бат бэх болж, даац авах чадвартай болдог байна. Энэ стандарт нормыг чандлан биелvvлдэг аж ахуйн нэгж, компани цөөхөн аж. Ийнхvv хөлдvv бетоноор барилга барьсаар л байна. Yvний цаад хор уршиг нь юу болохыг барилгачид мэдэж л баймаар. Гэтэл нvдэн балай, чихэн дvлий юм шиг барилга барьсаар л байна биш vv. Сvvлийн vед барьсан барилгууд чанар муутай гэж олон хvн хэлдэг. Хvйтний улиралд барьж байгаа болохоор арга ч vгvй биз. Цутгасан бетон, зуурсан шавар нь хаталгvй хөлдөж, хавар дулаарахад гэсч, шинэ байр нь энэ тэндээс нь цуурч, нурж эхлэх нь.

ARDCHILAL