Орон сууц-4000 онлайн экспо үргэлжилж байна
Barilga
2019-11-05
Монголын барилгын салбарын мэдээллийг түгээгч www.barilga.mn сайт нь Монгол улсын Засгийн газар, ЗТБХБЯам, ОССКорпорациас хэрэгжүүлж буй төрийн албан хаагч, иргэдийн орон сууцжуулах “Орон сууц-4000” дэд хөтөлбөрийн мэдээллийг онлайнаар /http://expo.barilga.mn/ 2009 оны 12 сарын 08-с олон нийтэд хүргэж эхлээд байгаа билээ.
Одоогоор онлайн экспогийн мэдээллийг Монголоос болон БНСУ, АНУ, Япон, Хятад зэрэг Монголчууд олноор амьдардаг орнуудаас 90000 орчим удаа үзэж сонирхоод байгаа бөгөөд өдөр тутам орж зочлогсдын тоо тогтмол өсөж, нээгдсэн өдрөөс хойш экспогийн сайтад хандсан хүмүүсийн тоо дундажаар 18%-р өсөөд байна.
Мөн хугацаанд нийт 100 гаруй орон сууц онлайнаар захиалагдаад байгаа юм. Ийм тооны шинэ орон сууц захиалагдаад байгаа нь чамгүй тоо бөгөөд орон сууцны өрөөний зохион байгуулалт, сонголтууд, интерьер засал чимэглэл, талбайн хэмжээ, хаана байрлаж байгаа зэргийг дэлгэрэнгүй тайлбартайгаар толилуулж буй нь хэрэглэгч сонголтоо шууд хийхэд дөхөмтэй болж, орон сууцнууд олноор захиалагдахад хүргэжээ.
Үүний дээр gogo.mn, olloo.mn, news.mn зэрэг мэдээллийн томоохон сайтуудад сурталчилгааны баннерыг байрлуулан хэрэглэгчид хялбар үзэх нөхцөлийг бий болгож өгсөн.
Тус онлайн экспо 2010 оны 01 сарын 10-ныг хүртэл үргэлжлэн явагдахаар байсан хэдий ч хэрэглэгчдийн эрэлт шаардлага, шинэ орон сууц барьж буй компаниудын хүсэлтийн дагуу сунгагдан ажиллахаар болоод байгаа юм.
Барилга.мн