Монгол Улсын Засгийн газраас дайнд оролцсон ахмад дайчдын нийгмийн хамгааллын асуудлыг шийдэх зорилгоор орон сууц олгох журам гарсны дагуу 1616 ахмад дайчинд орон сууцны дэмжлэг үзүүлэхээр болсон.

Эдгээр ахмадаас энэ оны хоёрдугаар сард 95, аравдугаар сард 66 ахмад дайчинд орон сууцных нь түлхүүрийг гардуулсан бол шинэ оны босгон дээр буюу өчигдөр  200 гаруй ахмад дайчин байрныхаа түлхүүрийг гардлаа.  Дайнд оролцсон ахмад дайчдад орон сууцыг нь олгохдоо ахмад дайчны насны эрэмбэ, байлдаанд оролцсон байдлаар нь жагсааж, тухайн жилийн улсын төсөвт тусгагдсан хөрөнгийн хэмжээнд багтаан орон сууц олгож буй юм.

Орон сууц олгох ажлын хэсгээс барилгын компаниудын дунд сонгон шалгаруулалт явуулж “Рапид харш” ХХК, “Орчлон” констракшн, “Болд барос”, “Гэрэлтжин”, “Батхангай өргөө” ХХК-иудын орон сууцнаас  ахмадуудад хуваарилж байгаа аж.

Ирэх оны нэгдүгээр сард 300 ахмад дайчинд орон сууцыг нь олгохоор болсон бөгөөд НХХЯ-аас үлдэж буй дайчдад 2010 онд багтаан байр олгохоор төлөвлөсөн байна.

Өнөөдөр