Нийслэлийн хэмжээнд соёл урлаг, худалдаа, үзвэр үйлчилгээний  чиглэлээр үйл ажиллагаа явуулдаг төрийн, төрийн бус байгууллага, аж ахуйн нэгжүүд  барилга байгууламж дотор салют буудаж, гэрэлт үзүүлбэр зохион байгуулахыг хориглолоо.

Уг захирамжийг нийслэ­лийн Засаг дарга өчигдөр гаргав. Үүнтэй холбогдуулан дээрх газруудад Нийслэлийн Цагдаагийн газар, Мэргэжлийн хяналтын газар, Онцгой байдлын газраас үзлэг, шалгалт хийж, нийслэлийн иргэдийн аюулгүй байдлыг хангах ажлыг эхлүүлжээ.

Мөн нийслэлийн нутаг дэвсгэрт ёслолын буудлага, гэрэлт үзүүлбэр зохион байгуулах тухай журам боловсруулахаар болсон гэнэ.

Монцамэ