“Төслийг хэрэгжүүлснээр Монгол Улсын усны хэрэглээ, нөөц, ашиглалт гээд бүх асуудлыг нэгдсэн цогц бодлогоор зохицуулах нөхцөл бүрдэнэ. Усны нөөцөөр бага манай улсын хувьд ийм чиглэлийн төсөл хэрэгжүүлэх нь асар өндөр ач холбогдолтой” хэмээн Байгаль орчны сайд И.Эрдэнэбаатар ярилаа.

Усны менежментийн төслийг усны асуудал эрхэлдэг төр, захиргааны байгууллагууд шууд гардан авч хэрэгжүүлэхээрээ бусдаас ялгаатай аж. Өөрөөр хэлбэл, томоохон төслийг хэрэгжүүлэхийн тулд тусгайлан баг бүрдүүлэх зэргээр ажил удахгүй гэнэ.

Нидерландын вант улсын хөгжил хамтын ажиллагааны сайдыг төлөөлж Бээжин дэх Онц бөгөөд бүрэн эрхт Элчин сайд Ж.Ванденберг “Төслийн үр дүн маш өргөн хүрээнд гарах ёстой. Манай зүгээс төсөл хэрэгжих үе шат бүрт үнэлэлт дүгнэлт өгч, үр дүнг нь тодорхойлох болно. Байгаль орчны яаманд усны бодлогод ямар өөрчлөлт гарч байна, байгууллагууд нягт хамтран ажиллаж байна уу гээд олон асуудал бас нэг гол шалгуур байгаа юм. Ус ой, газрыг мартаж болохгүй. Энд бүгд хамаатай. Хамгийн гол нь төслийн хугацаа дуусахад Монгол Улс нэгдсэн менежментийг нэвтрүүлж чадсан эсэхээс эцсийн үр дүн харагдах юм” гэж ярив.