Монголын барилгын боловсон хүчинг бэлтгэхэд зүтгэж яваа томоохон байгууллагуудын нэг бол “Барилгын коллеж” юм. Үүх түүхээсээ авахуулаад хэлэх үг, хийсэн бүтээсэн зүйлтэй энэ хамт олон 88-н сурган хүмүүжүүлэгч багштай, 1979 суралцагчтайгаар үйл ажиллагаагаа ажилттай явуулж байна. Одоогийн байдлаар “Барилгын коллеж” нь байгуулагдсанаас хойш 50-н жилийн хугацаанд 8600 гаруй тусгай дунд боловсролтой техникч, 21000 гаруй нарийн мэргэжлийн ажилчин, 800 гаруй дипломын дээд боловсролтой инженер бэлтгэн наргасан нь өнөөдөр эх орны барилгын болон бусад салбаруудад үр бүтээлтэй ажиллаж байна. Энэ их эрдмийн өргөөнөөс хөдөлмөрийн баатар Б.Цогоо, С.Хэрлэн, А.Зайтан, Б.Дорж, Гавъяат багш С.Бор, Урлагийн гавъяат зүтгэлтэн Ч.Гунгаасүх, ОХУ-ын гавъяат барилгачин Б.Жүгдэр, боловсролын доктор Намжил, Болор цомын эзэн, Нацагдоржийн нэрэмжит зохиолч, яруу найрагч Д.Төрбат, дэлхийн даамын холбооны их мастер Ганжаргал зэрэг олон алдартнууд төрөн гарчээ. Өөрийн орны барилгын салбарын боловсон хүчинг бэлтгэж байгаа “Барилгын коллеж” нь 50-н жилийн хугацаанд олон олон шагналуудын эзэн болжээ. Тухайлбал 2000 онд Нийслэлийн Баянгол дүүргийн тэргүүний шимтгэл төлөгч байгууллага, 2001 онд Нийслэлийн хэрэглэгчидийн найдвартай түнш байгууллага, 2002 онд Дээд боловсролын магадлан итгэмжлэгдсэн 36-дах сургууль, 2003 онд СЭЗЯамны нягтлан бодох бүртгэлийн олон улсын стандарт нэвтрүүлсэн байгууллага, 2004 онд БСШУЯам, Монголын багш нарын холбооны шилдэг бүтээгдэхүүн нийлүүлэгч байгууллага болжээ. “Барилгын коллеж” нь эрхэм танд сурлагын таатай орчин бүрэлдүүлж өгөхөөс гадна магадлан итгэмжлэгдсэн учираас төрийн сангийн зээлээр суралцах боломжтой, сургалтын төлбөр харьцангуй хямд, шаталсан сургалттай, гадаад харилцаа сайтай, багш нарын чадвар өндөр, оюутны дотуур байртай, хос мэргэжил эзэмших боломжтой гээд олон давуу талуудтай. Таныг хэдийд ч очсон энэ хамт олон найрсаг хүлээж авах болно.

Д.Нарантуяа
БАРИЛГА.мн