-Барилгын материалын зах зээлд тогтвортой ханган нийлүүлэгч компаниар шалгарлаа. Танайх хэдэн төрлийн, хаанахын бүтээгдэхүүнийг зах зээлд нийлүүлдэг вэ?

-Манай компани нь 2013 оноос барилгын материалын үйлдвэрлэл, худалдааны чиглэлээр үйл ажиллагаагаа тасралтгүй явуулж байна. Бид барилгын материалын зах зээлд 21 нэр төрлийн бараа бүтээгдэхүүнийг нийлүүлж байгаа. Тухайлбал, барилгын гадна фасадны бүх төрлийн материалаар барилгын компаниудыг ханган ажиллаж байна. Томоохон ажлуудаас дурдвал, Хөшигийн хөндийн Нисэх онгоцны буудлын төсөл, “Монкор карго” компанийн “Офицер таун-2” хотхоны төсөл, Дархан-Уул аймгийн “Минж проперти” компанийн “Парк таун” хотхоны төсөл гэх мэт 300 гаруй хувь хүн болон аж ахуйн нэгж, байгууллагыг өөрсдийн бараа бүтээгдэхүүнээр тогтвортой хангадаг.

-Танайх барилгын материал үйлдвэрлэдэг гэлээ. Энэ талаар дэлгэрэнгүй мэдээлэл өгөхгүй юу?

-Манайх байгуулагдсан цагаасаа барилгын хуурай хольцын материал үйлдвэрлэж байна. Бид 2014 онд орчин үеийн стандартад нийцсэн буюу өдөрт 70-80 тонн материал үйлдвэрлэх хүчин чадалтай бүрэн автомат ажиллагаатай шинэ үйлдвэрээ ашиглалтад оруулсан. Мөн гал дэмждэггүй нягтаршил сайтай барилгын дулаалгын хөөсөнцрийн үйлдвэрийг 2015 онд байгуулж, хэрэглэгчийн захиалгын дагуу төрөл бүрийн хэмжээсээр зүсэж үйлчилж байна. Энэ үйлдвэр нь дулаалгын хөөсөнцрийн нэг шоо метрийг 10-45 кг-ийн нягтаршилтай, хоногт 180-200 шоо метр үйлдвэрлэх хүчин чадалтай. Түүнчлэн өөрсдийн тээврээр барилгын талбайд хүргэж өгөх үйлчилгээг ч үзүүлж байгаа. Үйлдвэр өргөжиж, бараа бүтээгдэхүүн олширсон тул үйлчлүүлэгчдээ чанарын шаардлага хангасан бүтээгдэхүүн нийлүүлэх зорилгоор 2015 оноос дотоод хяналтын лабораторийг ашиглалтад оруулсан. Тэндээ өөрсдийн үйлдвэрлэж байгаа бүх төрлийн бүтээгдэхүүнийг шинжилдэг.               

-Танай компани Засгийн газрын барилгын үнийг бууруулах төслийг дэмжин ажилладаг юм билээ. Энэ төслийн хүрээнд ямар чиг баримжаатай ажиллаж байна вэ?

-Тийм ээ. Бид Засгийн газрын 2012 оны 171 дүгээр тогтоолоор батлагдсан "Барилгын материалын үйлдвэрлэлийг дэмжих үндэсний хөтөлбөр"-ийн хүрээнд 2013 оноос барилгын материалын үйлдвэрлэл, худалдааны чиглэлээр үйл ажиллагаагаа өргөжүүлээд байна. Манай компани барилгын материалыг дотооддоо үйлдвэрлэдэг тул импортын бараанаас хямд буюу үйлдвэрийн үнээр бүтээгдэхүүнээ хүргэдэг. Түүнээс гадна зах зээлийн бодит үнэ, Монгол Улсад мөрдөгдөж буй стандартыг хангасан, бүтээгдэхүүний чанар өндөр зэрэг давуу талтайг онцлох нь зүйтэй.

Мөн борлуулалтын цэгүүдээр бараа бүтээгдэхүүнээ үйлдвэрийн үнээр түгээж байна. Орон сууцжуулах хөтөлбөрийн хүрээнд орон сууц барьж буй аж ахуйн нэгж, байгууллагуудтай хамтран ажиллахдаа илүү уян хатан нөхцөлийг санал болгодгоороо импортын бүтээгдэхүүнүүдээс давуу байгаа юм.

-Шинээр зургаан нэр төрлийн материалыг зах зээлд нийлүүлж байгаа гэж дууллаа. Ямар материалууд оруулж ирсэн бэ?

-2018 оны эхээр чулуун будаг, эмульс үйлдвэрлэх үйл ажиллагаагаа явууллаа. Тэрчлэн шинээр чулуун будаг, гадна, дотор эмульс, лак, грунт, хоёр төрлийн ус тусгаарлагч зэрэг зургаан нэр төрлийн бүтээгдэхүүнийг үйлдвэрлэн, зах зээлд нийлүүлж эхэлсэн.

Манай барилгын материалын үйлдвэр нь өөрсдийн бүтээгдэхүүнийг Монгол Улсын стандартад нийцүүлэн орчин үеийн технологид суурилан дотооддоо үйлдвэрлэж байна. Энэ оны эхээр чулуун будаг, эмульсний үйлдвэрийг өөрсдийн үйлдвэрлэлдээ нэвтрүүлж, үйлдвэрлэсэн бүтээгдэхүүнээ туршилтад оруулах, судалгаа шинжилгээнд хамруулах зэрэг ажлыг хийж гүйцэтгэлээ. Үр дүнд нь шинэ бүтээгдэхүүнээ өнгөрсөн зургадугаар сараас зах зээлд нийлүүлж, таниулах үйл ажиллагааг хийж байна.

Компаниуд ч манай бүтээгдэхүүнийг сонгож, мэддэг боллоо. Өнгөрсөн долоо хоногт шинэ бүтээгдэхүүн болох ус тусгаарлагчаар “Минж проперти” компанийн агуулахын дээврийг бүтэн хучиж дуусгасан. Ингэснээр бидний гаргасан шинэ бүтээгдэхүүн барилгын зах зээл дээр хурдан танигдаж байгаад баяртай байна.
 

-Ярилцсанд баярлалаа.
Бэлтгэсэн: Б.Бямбасүрэн