Баталгаагүй арматур үйлдвэрлэгчдийн үйл ажиллагааг бүрмөсөн зогсоов

Barilga
2019-11-05

Баталгаагүй арматур үйлдвэрлэгчдийн үйл ажиллагааг бүрмөсөн зогсоов

Гишгэх зайгүй болтол зэрэгцүүлэн барьж буй гял цал болсон өндөр барилгуудын чанарыг дагасан хэл ам татрахгүй нь бололтой. Хэзээ нурах бол гэмээр чанаргүй барилга олшров. Барилгын чанарын хамгийн гол үзүүлэлт нь арматур болон хана босгож буй төмөр бетон хийц гэдэг. Монголчууд барилгын материалынхаа 80 орчим хувийг импортоор авч, үлдсэн хувийг нь дотооддоо үйлдвэрлэдэг.

Гэтэл манай арматурын үйлдвэрүүд дан ганц ашиг хөөцөлдөж чанартаа анхаарахаа больжээ. Түүний баримт гэвэл Багахангай дүүрэг дэх "Синоюань", Налайх дүүрэг дэх "Умардын ган", Сэлэнгэ аймгийн Мандал сумын "Алсын өртөө", Төв аймгийн Алтанбулаг сумын нутаг дахь "Энгүүн оргил" компанийн арматурын үйлдвэрүуд гэхэд л бүтээгдэхүүнээ баталгаажуулаагүй, улсын гэрчилгээ аваагүй, барилгын материал үйлдвэрлэх тусгай зөвшөөрөлгүйгээр үйлдвэрлэл явуулж байсныг Мэргэжлийн хяналтын ерөнхий газрын байцаагчид илрүүлжээ. Тиймээс зөвхөн ашгийн төлөө чанарын баталгаагүй, барилгын материалын шаардлага хангаагүй бүтээгдэхүүн зөвшөөрөлгүйгээр үйлдвэрлэж байсан дээрх компаниудын үйл ажиллагааг Мэргэжлийн хяналтын ерөнхий газраас бүрмөсөн зогсоосон байна. Түүнчлэн тус компаниудаас баталгаагүй арматур төмөр авч, "Чантай" компанийн барьж байгаа Баянгол дүүргийн хоёрдугаар хороонд байрлах "Ти Си Ди" компанийн 16 давхар "Hill side" орон сууцны цогцолборын барилга угсралтын ажлыг зогсоов.

Энэчлэн чанарын шаардлага хангасан эсэхийг нь мэргэжтийн байгууллагууд шалгаж, дугнээд торгосон нэр зүүж, ам хаагаад өнгөрдөг ч хил, гааль дээр барилгын материалын чанарыг шалгах мэргэжлийн байцаагч, лаборатори байдаггүй гэнэ. Зөвхөн арматурын төмөр ч биш бүх төрлийн барилгын материалын чанарыг шалгаж, шинжлэх лаборатори манайд байдаггүй юм байна. Ииймээс баригдаж байгаа барилгууд хэр найдвартай болохыг батлах амаргүй бололтой.

Өнөөдөр